ಉತ್ತರ ಪ್ರದೇಶ : Tulu Times l ಮದುವೆ ಮೆರವಣಿಗೆಯಲ್ಲಿ ಬಳಸಿದ ಡಿಜೆ ಸೌಂಡ್ನ ಜೋರಾದ ಶಬ್ದದಿಂದ ತಮ್ಮ ಫಾರ್ಮ್ನಲ್ಲಿದ್ದ 140 ಕೋಳಿಗಳು ಸಾವನ್ನಪ್ಪಿವೆ ಎಂದು ಕೋಳಿ ಸಾಕಾಣಿಕೆ ರೈತನೊಬ್ಬ ಪೊಲೀಸರಿಗೆ ದೂರು ನೀಡಿದ್ದಾರೆ.
ಈ ವಿಚಿತ್ರ ಘಟನೆ ಉತ್ತರ ಪ್ರದೇಶದ ಸುಲ್ತಾನ್ಪುರ ಜಿಲ್ಲೆಯಲ್ಲಿ ನಡೆದಿದೆ. ಏಪ್ರಿಲ್ 25ರ ರಾತ್ರಿ ಗ್ರಾಮದ ನಿವಾಸಿ ವಿಶ್ವಕರ್ಮ ಅವರ ಪುತ್ರಿಯ ಮದುವೆ ಮೆರವಣಿಗೆ ಗ್ರಾಮದ ಮೂಲಕ ಸಾಗುತ್ತಿತ್ತು. ಮೆರವಣಿಗೆಯಲ್ಲಿ ಜೋರಾಗಿ ಸಂಗೀತ ಬಾರಿಸುತ್ತಿದ್ದ ಡಿಜೆ ವಾಹನ ಕೂಡ ಸೇರಿತ್ತು. ಗ್ರಾಮದ ಸಮೀಪದಲ್ಲಿರುವ ಸಬೀರ್ ಅಲಿ ಪೌಲ್ಟ್ರಿ ಫಾರ್ಮ್ ಮಾಲೀಕ ಸಬೀರ್ ಅಲಿ ಅವರ ಪ್ರಕಾರ, ರಾತ್ರಿ ಸುಮಾರು 9.30ರ ವೇಳೆಗೆ ಮೆರವಣಿಗೆ ಫಾರ್ಮ್ ಮುಂಭಾಗದಿಂದ ಹಾದುಹೋಯಿತು. ಡಿಜೆ ಸೌಂಡ್ನ ಭಾರೀ ಶಬ್ದದಿಂದ ಕೋಳಿಗಳು ಭಯಗೊಂಡು ತಲ್ಲಣಗೊಂಡವು. ಪರಿಣಾಮ 140 ಕೋಳಿಗಳು ಸಾವನ್ನಪ್ಪಿದವು ಎಂದು ಅವರು ದೂರಿನಲ್ಲಿ ತಿಳಿಸಿದ್ದಾರೆ.
ದೂರು ಆಧರಿಸಿ ಪೊಲೀಸರು ಪರ್ಸಿಪುರ ನಿವಾಸಿ ಡಿಜೆ ಆಪರೇಟರ್ ಕವಿ ಯಾದವ್ ವಿರುದ್ಧ ಪ್ರಕರಣ ದಾಖಲಿಸಿದ್ದಾರೆ. ಮದುವೆ ವೇಳೆ ಅನುಮತಿಸಿದ ಮಿತಿಗಿಂತ ಹೆಚ್ಚಿನ ಶಬ್ದ ಬಳಸಲಾಗಿತ್ತೇ ಎಂಬುದರ ಕುರಿತು ತನಿಖೆ ನಡೆಯುತ್ತಿದೆ.
ತಜ್ಞರ ಪ್ರಕಾರ, ಅತಿಯಾದ ಶಬ್ದವು ಪಕ್ಷಿಗಳು ಹಾಗೂ ಪ್ರಾಣಿಗಳಲ್ಲಿ ತೀವ್ರ ಒತ್ತಡ ಉಂಟುಮಾಡಿ ಹೃದಯಾಘಾತಕ್ಕೂ ಕಾರಣವಾಗಬಹುದು ಎಂದು ಹೇಳಲಾಗಿದೆ. ಈ ಘಟನೆ ಇದೀಗ ಸ್ಥಳೀಯವಾಗಿ ಚರ್ಚೆಗೆ ಗ್ರಾಸವಾಗಿದ್ದು, ಮದುವೆ ಸಂಭ್ರಮದಲ್ಲಿ ಶಬ್ದ ಮಾಲಿನ್ಯದ ಮಿತಿಗಳನ್ನು ಪಾಲಿಸುವ ಅಗತ್ಯ ಮತ್ತೆ ಗಮನ ಸೆಳೆದಿದೆ.
140 chickens die due to loud music from wedding procession – ತುಳುಟೈಮ್ಸ್
ಇದನ್ನೂ ಓದಿ :ಬೆಂಗಳೂರಿಗೆ ತಂಪಿನ ಸ್ಪರ್ಶ: ಭಾರೀ ಗಾಳಿ, ಆಲಿಕಲ್ಲು ಮಳೆ
====
ವೀಡಿಯೋ ಸುದ್ದಿಗಳಿಗಾಗಿ ನಮ್ಮ ಯೂಟ್ಯೂಬ್ ಲಿಂಕ್ ಕ್ಲಿಕ್ ಮಾಡಿ :https://www.youtube.com/live/EYKaZkoL8Qk?si=3_gBpcGLyTWVxbEZ
