ನವದೆಹಲಿ:Tulu Times l ದೇಶದ ಹಣಕಾಸು ಕ್ಷೇತ್ರದಲ್ಲಿ ಮಹತ್ವದ ಬೆಳವಣಿಗೆಯಾಗಿ, ಆರ್ ಬಿಐ) ಪೇಮೆಂಟ್ಸ್ ಬ್ಯಾಂಕ್ ಲಿಮಿಟೆಡ್ ನೀಡಿದ್ದ ಬ್ಯಾಂಕಿಂಗ್ ಪರವಾನಗಿಯನ್ನು ರದ್ದುಪಡಿಸಿದೆ. ಆರ್ ಬಿಐ ಶುಕ್ರವಾರ (ಏಪ್ರಿಲ್ 24, 2026) ಪ್ರಕಟಣೆ ಹೊರಡಿಸಿ, ಬ್ಯಾಂಕಿಂಗ್ ನಿಯಂತ್ರಣ ಕಾಯ್ದೆ 1949ರ ಸೆಕ್ಷನ್ 22(4) ಅಡಿಯಲ್ಲಿ ಈ ಕ್ರಮ ಕೈಗೊಳ್ಳಲಾಗಿದೆ ಎಂದು ತಿಳಿಸಿದೆ. ಈ ಆದೇಶವು ಏಪ್ರಿಲ್ 24ರ ವ್ಯವಹಾರ ಮುಕ್ತಾಯದಿಂದಲೇ ಜಾರಿಗೆ ಬಂದಿದೆ.
ಬ್ಯಾಂಕಿಂಗ್ ಸೇವೆಗೆ ತಕ್ಷಣ ನಿಷೇಧ
ಆರ್ ಬಿಐ ಆದೇಶದಂತೆ, ಪೇಟಿಎಂ ಪೇಮೆಂಟ್ಸ್ ಬ್ಯಾಂಕ್ ಇನ್ನು ಮುಂದೆ ಬ್ಯಾಂಕಿಂಗ್ ವ್ಯವಹಾರ ನಡೆಸಲು ಅವಕಾಶ ಇರುವುದಿಲ್ಲ. ಅಂದರೆ: ಠೇವಣಿ ಸ್ವೀಕರಿಸುವುದು, ಬ್ಯಾಂಕ್ ಸೇವೆಗಳು ನೀಡುವುದು, ನಿಯಮಿತ ಬ್ಯಾಂಕಿಂಗ್ ಚಟುವಟಿಕೆ ನಡೆಸುವುದು, ಬ್ಯಾಂಕಿಂಗ್ ಕಾಯ್ದೆಯಡಿ ಅನುಮತಿಸಲಾದ ಹೆಚ್ಚುವರಿ ಸೇವೆಗಳು ನೀಡುವುದು, ಇವೆಲ್ಲಕ್ಕೂ ತಕ್ಷಣದಿಂದಲೇ ನಿಷೇಧ ವಿಧಿಸಲಾಗಿದೆ.
ಈ ನಿರ್ಧಾರದಿಂದ ಪೇಟಿಎಂ ಪೇಮೆಂಟ್ಸ್ ಬ್ಯಾಂಕ್ ಗ್ರಾಹಕರಲ್ಲಿ ಆತಂಕ ಮೂಡಿದೆ. ಖಾತೆ ಹೊಂದಿರುವವರು, ವಾಲೆಟ್ ಸೇವೆ ಬಳಕೆದಾರರು ಹಾಗೂ ಹಣ ವರ್ಗಾವಣೆ ಸೇವೆ ಬಳಸುವವರು ಮುಂದಿನ ಮಾರ್ಗಸೂಚಿಗಾಗಿ ಕಾಯುತ್ತಿದ್ದಾರೆ. ಆರ್ ಬಿಐ ಹಾಗೂ ಸಂಬಂಧಿತ ಸಂಸ್ಥೆಗಳು ಗ್ರಾಹಕರ ಹಣದ ಸುರಕ್ಷತೆ ಕುರಿತು ಬೇಗನೇ ಸ್ಪಷ್ಟನೆ ನೀಡುವ ನಿರೀಕ್ಷೆಯಿದೆ.
ಆರ್ ಬಿಐ ಪ್ರಕಟಣೆಯಲ್ಲಿ ಪರವಾನಗಿ ರದ್ದುಪಡಿಸಲು ಕಾರಣಗಳ ಬಗ್ಗೆ ವಿವರ ನೀಡದಿದ್ದರೂ, ನಿಯಮ ಉಲ್ಲಂಘನೆ, ಮೇಲ್ವಿಚಾರಣಾ ಸಮಸ್ಯೆಗಳು ಅಥವಾ ಅನುಸರಣೆ ಕೊರತೆ ಹಿನ್ನೆಲೆ ಇರಬಹುದೆಂದು ಹಣಕಾಸು ವಲಯ ಅಂದಾಜಿಸಿದೆ. ಈ ಕ್ರಮದ ಮೂಲಕ ಆರ್ ಬಿಐ ಮತ್ತೊಮ್ಮೆ ಬ್ಯಾಂಕಿಂಗ್ ಕ್ಷೇತ್ರದಲ್ಲಿ ನಿಯಮ ಪಾಲನೆಗೆ ಕಠಿಣ ನಿಲುವು ತೋರಿಸಿದೆ. ಗ್ರಾಹಕರ ಹಿತಾಸಕ್ತಿ ಮತ್ತು ಹಣಕಾಸು ವ್ಯವಸ್ಥೆಯ ಸ್ಥಿರತೆ ಮುಖ್ಯ ಎಂಬ ಸಂದೇಶ ನೀಡಿದೆ.
RBI deals major blow to Paytm Payments Bank: Banking license revoked – ತುಳುಟೈಮ್ಸ್
ಇದನ್ನೂ ಓದಿ :ಬಿಸಿಗಾಳಿ ಮಧ್ಯೆ ಟ್ರಾಫಿಕ್ ಪೊಲೀಸರಿಗೆ ಅಗತ್ಯ ಸೌಲಭ್ಯ ಕಲ್ಪಿಸಲು ಡಿಜಿಪಿ ಆದೇಶ
====
ವೀಡಿಯೋ ಸುದ್ದಿಗಳಿಗಾಗಿ ನಮ್ಮ ಯೂಟ್ಯೂಬ್ ಲಿಂಕ್ ಕ್ಲಿಕ್ ಮಾಡಿ :https://www.youtube.com/live/ssmiz0eNuOA?si=0BO3kQJxD5kzISUP
