ಕನ್ನಡಕ ಒರೆಸುವಾಗ ನಿಮ್ಮ ವಸ್ತ್ರಕ್ಕೆ ಉಜ್ಜುವುದನ್ನು ಬಿಡಿ: ವೈಜ್ಞಾನಿಕ ವಿಧಾನ ಏನು ಹೇಳುತ್ತದೆ?

ಕನ್ನಡಕ : Tulu Times l ಪ್ರತಿದಿನ ಕನ್ನಡಕಗಳನ್ನು ಬಳಸುವವರ ಸಾಮಾನ್ಯ ಸಮಸ್ಯೆ ಏನು ಗೊತ್ತೇ? ಚೆನ್ನಾಗಿ ತೊಳೆಯುತ್ತಿದ್ದರೂ ಕೆಲವು ನಿಮಿಷಗಳಲ್ಲಿ ಮತ್ತೆ ಮಸುಕು ಮತ್ತು ಧೂಳು ಕಾಣಿಸಿಕೊಳ್ಳುವುದು. ಈ ತೊಂದರೆಯಿಂದ ಹೊರಬರಲು ಬಹುತೇಕರು ತಕ್ಷಣದ ಪರಿಹಾರವಾಗಿ ಶರ್ಟ್ ಅಥವಾ ಟಿಶ್ಯೂ, ಕರವಸ್ತ್ರ ಬಳಸಿ ತೊಳೆಯುತ್ತಾರೆ. ಆದರೆ ಇದು ಸರಿಯಾದ ವಿಧಾನವೇ ಅಲ್ಲ — ವೈಜ್ಞಾನಿಕವಾಗಿ ತಪ್ಪು.

ಇಂದಿನ ಕನ್ನಡಕಗಳ ಲೆನ್ಸ್‌ಗಳು ಸಾಮಾನ್ಯ ಗಾಜಿನ ತುಂಡುಗಳಲ್ಲ. ಅವುಗಳಲ್ಲಿ ಆಂಟಿ-ರಿಫ್ಲೆಕ್ಟಿವ್ ಮತ್ತು ಸ್ಕ್ರಾಚ್-ರೆಸಿಸ್ಟೆಂಟ್ ಕೋಟಿಂಗ್‌ಗಳಂತಹ ಸೂಕ್ಷ್ಮ ಪದರಗಳಿವೆ. ತಪ್ಪಾದ ರೀತಿಯಲ್ಲಿ ತೊಳೆಯುವುದರಿಂದ ಈ ಪದರಗಳು ಹಾನಿಯಾಗಬಹುದು, ಪರಿಣಾಮವಾಗಿ ಕನ್ನಡಕಗಳು ಬೇಗ ಮಸುಕಾಗುತ್ತವೆ.

ಇನ್ನು ಶರ್ಟ್‌ ಅಥವಾ ಟಿಶ್ಯೂಗಳು ಮೆತ್ತಗಿರುವಂತೆ ಕಾಣಿಸಿದರೂ, ಅವುಗಳಲ್ಲಿ ಸಣ್ಣ ಧೂಳು ಕಣಗಳು ಇರುತ್ತವೆ. ಇವು ಲೆನ್ಸ್ ಮೇಲೆ ಸೂಕ್ಷ್ಮ ಗೀರುಗಳನ್ನು ಉಂಟುಮಾಡುತ್ತವೆ. ಅಲ್ಲದೆ, ಶರ್ಟ್‌ನಲ್ಲಿರುವ ಎಣ್ಣೆ ಅಥವಾ ಬೆವರು ಕನ್ನಡಕದ ಮೇಲೆ ಮತ್ತಷ್ಟು ಮಸುಕು ಉಂಟುಮಾಡುತ್ತದೆ.

ಸರಿಯಾದ ವೈಜ್ಞಾನಿಕ ವಿಧಾನ ಏನು?

ನೀರಿನಿಂದ ಮೊದಲು ತೊಳೆಯಿರಿ; ಮೊದಲು ಲೆನ್ಸ್‌ಗಳನ್ನು ಸ್ವಚ್ಛ ನೀರಿನಲ್ಲಿ ತೊಳೆಯಿರಿ. ಇದರಿಂದ ಧೂಳು ಕಣಗಳು ಹೊರ ಹೋಗುತ್ತವೆ.

ಮೃದುವಾದ ಸಾಬೂನು ಬಳಸಿ; ಹೆಚ್ಚು ರಾಸಾಯನಿಕವಿಲ್ಲದ ಲಿಕ್ವಿಡ್ ಸೋಪ್ ಅನ್ನು ಸ್ವಲ್ಪ ಪ್ರಮಾಣದಲ್ಲಿ ಬಳಸಿ, ಲೆನ್ಸ್ ಮತ್ತು ಫ್ರೇಮ್ ಸ್ವಚ್ಛಗೊಳಿಸಿ.

ಮೈಕ್ರೋಫೈಬರ್ ಕ್ಲಾತ್ ಬಳಸಿ ಒಣಗಿಸಿ; ವಿಶೇಷವಾಗಿ ಕನ್ನಡಕಗಳಿಗಾಗಿ ತಯಾರಿಸಲಾದ ಮೈಕ್ರೋಫೈಬರ್ ಬಟ್ಟೆ ಬಳಸಬೇಕು. ಇದು ಮಸುಕು ಆಗದಂತೆ ಹಾಗೂ ಗೀರು ಬಾರದಂತೆ ಕಾಪಾಡುತ್ತದೆ.

ಗಾಳಿ ಅಥವಾ ಸ್ವಚ್ಛ ಬಟ್ಟೆಯಿಂದ ಒಣಗಿಸಿ; ಲೆನ್ಸ್ ಮೇಲೆ ನೀರಿನ ಗುರುತು ಉಳಿಯದಂತೆ ನಿಧಾನವಾಗಿ ಒಣಗಿಸಿ. ಇದರ ಜೊತೆಗೆ, ಲೆನ್ಸ್ ಕ್ಲೀನರ್ ಸ್ಪ್ರೇ ಬಳಸಬಹುದು, ಕನ್ನಡಕಗಳನ್ನು ತಲೆಮೇಲೆ ಇಡುವುದನ್ನು ತಪ್ಪಿಸಿ, ನಿಯಮಿತವಾಗಿ ಕ್ಲಾತ್‌ನ್ನು ಸ್ವಚ್ಛವಾಗಿಡಿ. ಕನ್ನಡಕಗಳನ್ನು ಸರಿಯಾದ ರೀತಿಯಲ್ಲಿ ಸ್ವಚ್ಛಗೊಳಿಸುವುದು ಅವುಗಳ ಆಯುಷ್ಯವನ್ನು ಹೆಚ್ಚಿಸುವುದಷ್ಟೇ ಅಲ್ಲ, ನಿಮ್ಮ ದೃಷ್ಟಿಯ ಸ್ಪಷ್ಟತೆಯನ್ನು ಕೂಡ ಕಾಪಾಡುತ್ತದೆ.

Stop rubbing your clothes when cleaning your glasses: What does the scientific method say? – ತುಳುಟೈಮ್ಸ್

ಇದನ್ನೂ ಓದಿ :ವಿಮಾನ ಗಯನ ಕ್ಷೇತ್ರದಲ್ಲಿ ಉಡುಪು ನಿಯಮ ವಿವಾದ: ಸಿಂಧೂರ, ಮಂಗಳಸೂತ್ರ ಏಕೆ ನಿರ್ಬಂಧ?

====

ವೀಡಿಯೋ ಸುದ್ದಿಗಳಿಗಾಗಿ ನಮ್ಮ ಯೂಟ್ಯೂಬ್ ಲಿಂಕ್ ಕ್ಲಿಕ್  ಮಾಡಿ :https://www.youtube.com/live/SP5XEPndc6w?si=pvIgtex0f0Z63ubP