ಕರ್ನಾಟಕ : Tulu Times l ದಕ್ಷಿಣ ಭಾರತೀಯ ಚಿತ್ರರಂಗದ ಖ್ಯಾತ ನಟಿ ತ್ರಿಶಾ ಕೃಷ್ಣನ್ ಇದೀಗ ಅತಿ ಹೆಚ್ಚು ಸಂಭಾವನೆ ಪಡೆಯುವ ನಟಿಯರ ಪಟ್ಟಿಗೆ ಸೇರಿದ್ದಾರೆ ಎನ್ನಲಾಗುತ್ತಿದೆ. ಇತ್ತೀಚಿನ ವರದಿಗಳ ಪ್ರಕಾರ, ತ್ರಿಷಾ ಪ್ರತಿ ಚಿತ್ರಕ್ಕೆ ರೂ.10 ರಿಂದ ರೂ.12 ಕೋಟಿವರೆಗೆ ಸಂಭಾವನೆ ಪಡೆಯುತ್ತಿದ್ದಾರೆ ಎಂಬ ಸುದ್ದಿ ಸಿನಿರಂಗದಲ್ಲಿ ಭಾರೀ ಚರ್ಚೆಗೆ ಕಾರಣವಾಗಿದೆ.
ಸುಮಾರು ಎರಡು ದಶಕಗಳ ಸಿನಿ ಪಯಣ ಹೊಂದಿರುವ ತ್ರಿಶಾ, ಆರಂಭದ ದಿನಗಳಲ್ಲಿ ಕೇವಲ ರೂ.500 ಸಂಭಾವನೆ ಪಡೆದಿದ್ದರೆ, ಇಂದು ಕೋಟ್ಯಾಂತರ ರೂಪಾಯಿ ಪಡೆಯುವ ಮಟ್ಟಕ್ಕೆ ಏರಿರುವುದು ಅವರ ಯಶಸ್ಸಿನ ಪ್ರತೀಕವೆಂದು ಅಭಿಮಾನಿಗಳು ಹೇಳುತ್ತಿದ್ದಾರೆ. ತ್ರಿಶಾ ಅವರ ಸಂಭಾವನೆ ಏರಿಕೆ ಕೇವಲ ಅವರ ಸ್ಟಾರ್ಡಮ್ನ ಸೂಚಕವಷ್ಟೇ ಅಲ್ಲ, ಚಿತ್ರರಂಗದಲ್ಲಿ ಮಹಿಳಾ ನಟಿಯರಿಗೂ ಹೆಚ್ಚಿನ ಮೌಲ್ಯ ದೊರೆಯುತ್ತಿರುವುದರ ಸಂಕೇತವಾಗಿಯೂ ಕಾಣಲಾಗುತ್ತಿದೆ. ದೀರ್ಘಕಾಲದಿಂದ ಚರ್ಚೆಯಾಗುತ್ತಿರುವ ಜೆಂಡರ್ ಪೇ ಗ್ಯಾಪ್ ವಿಚಾರದ ನಡುವೆ, ಪ್ರಮುಖ ನಟಿಯರೂ ದೊಡ್ಡ ಮಟ್ಟದ ಸಂಭಾವನೆ ಪಡೆಯುತ್ತಿರುವುದು ಉದ್ಯಮದಲ್ಲಿ ಬದಲಾವಣೆಯ ಲಕ್ಷಣ ಎಂದು ವಿಶ್ಲೇಷಿಸಲಾಗುತ್ತಿದೆ.
ಇತ್ತೀಚೆಗೆ ವಿಜಯ್ ಜೊತೆಗಿನ ಸಾರ್ವಜನಿಕ ಕಾರ್ಯಕ್ರಮಗಳು ಮತ್ತು ಸಿನಿ ಸಂಬಂಧಿತ ಸುದ್ದಿಗಳ ಹಿನ್ನೆಲೆಯಲ್ಲಿ ತ್ರಿಶಾ ಮತ್ತೆ ಹೆಚ್ಚು ಸುದ್ದಿಯಲ್ಲಿದ್ದಾರೆ. ವಿಜಯ್ ಅವರ ರಾಜಕೀಯ ಪ್ರವೇಶ ಹಾಗೂ ಇಬ್ಬರ ನಡುವಿನ ಆಪ್ತತೆ ಕುರಿತ ಗಾಸಿಪ್ಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ಇದರಿಂದ ತ್ರಿಶಾ ಅವರ ಬ್ರ್ಯಾಂಡ್ ಮೌಲ್ಯವೂ ಹೆಚ್ಚಾಗಿದೆ ಎಂದು ಹೇಳಲಾಗುತ್ತಿದೆ. ತ್ರಿಶಾ ತಮ್ಮ ಸಿನಿ ಬದುಕಿನಲ್ಲಿ ಹಲವು ಯಶಸ್ವಿ ಚಿತ್ರಗಳನ್ನು ನೀಡಿದ್ದಾರೆ. ಚಿತ್ರಗಳ ಜೊತೆಗೆ ಜಾಹೀರಾತು ಕ್ಷೇತ್ರದಲ್ಲಿಯೂ ತ್ರಿಷಾ ಸಾಕಷ್ಟು ಬೇಡಿಕೆಯಲ್ಲಿದ್ದಾರೆ. ಅನೇಕ ಬ್ರ್ಯಾಂಡ್ಗಳ ರಾಯಭಾರಿಯಾಗಿ ಕಾರ್ಯನಿರ್ವಹಿಸುತ್ತಿರುವ ಅವರು, ತಮ್ಮ ಸರಳ ಮತ್ತು ಗೌರವಯುತ ವ್ಯಕ್ತಿತ್ವದಿಂದ ವಿವಿಧ ತಲೆಮಾರಿನ ಅಭಿಮಾನಿಗಳ ಮನಗೆದ್ದಿದ್ದಾರೆ. ತ್ರಿಷಾ ಅವರ ಸಂಭಾವನೆ ಕುರಿತ ಅಧಿಕೃತ ಮಾಹಿತಿ ಇನ್ನೂ ಹೊರಬಿದ್ದಿಲ್ಲದಿದ್ದರೂ, ಈ ವರದಿಗಳು ದಕ್ಷಿಣ ಭಾರತೀಯ ಸಿನಿರಂಗದಲ್ಲಿ ಮಹಿಳಾ ನಟಿಯರ ಪ್ರಭಾವ ಹೆಚ್ಚುತ್ತಿರುವುದನ್ನು ಮತ್ತೊಮ್ಮೆ ಸ್ಪಷ್ಟಪಡಿಸಿವೆ.
Actress Trisha’s salary increased to Rs 12 crore – ತುಳು ಟೈಮ್ಸ್
=====
ವೀಡಿಯೋ ಸುದ್ದಿಗಳಿಗಾಗಿ ನಮ್ಮ ಯೂಟ್ಯೂಬ್ ಲಿಂಕ್ ಕ್ಲಿಕ್ ಮಾಡಿ :https://www.youtube.com/live/4pEuD7fDOuo?si=zI2lMHnxZZJbop8t
