Singer Palak Mucchal: ಖ್ಯಾತ ಗಾಯಕಿ ಪಾಲಕ್ ಮುಚ್ಚಲ್ ಬರೋಬ್ಬರಿ 3,800 ಮಕ್ಕಳಿಗೆ ಹೃದಯ ಶಸ್ತ್ರ ಚಿಕಿತ್ಸೆ ಕೊಡಿಸಿ ತಾವು ಸಮಾಜಮುಖಿ ಕಾರ್ಯದಿಂದ ಜನ ಮೆಚ್ಚುಗೆ ಗಳಿಸಿದ್ದಾರೆ. ಬಡ ಮಕ್ಕಳ ಹೃದಯಕ್ಕೆ ಜೀವ ತುಂಬಿರುವ ಕಾರ್ಯಕ್ಕೆ ಗಿನ್ನಿಸ್ ಬುಕ್ ಆಫ್ ವರ್ಲ್ಡ್ ರೆಕಾರ್ಡ್ ಹಾಗೂ ಲಿಮ್ಕಾ ಬುಕ್ ಆಫ್ ರೆಕಾರ್ಡ್ಗೆ ಸೇರ್ಪಡೆ ಮಾಡಲಾಗಿದೆ.
ಇದನ್ನೂ ಓದಿ: ಪತ್ನಿ ಶಿವಶ್ರೀಯನ್ನು ಎತ್ತಿಕೊಂಡು ಮುದ್ದಾಡಿದ ಸಂಸದ ತೇಜಸ್ವಿ ಸೂರ್ಯ!
ಗಿನ್ನಿಸ್ ದಾಖಲೆ ಬರೆದು ಪುಟ ಸೇರಿದ ಖ್ಯಾತ ಗಾಯಕಿ ಹಲವು ಭಾಷೆಗಳಲ್ಲಿ ಹಾಡಿ ಪಾಲಕ್ ಮುಚ್ಚಲ್ ಹಿಂದಿಯ ಹಿಟ್ ಸಾಂಗ್ಗಳನ್ನ ಹಾಡಿ ಸಂಗೀತ ಪ್ರಿಯರ ಮನ ಗೆದ್ದಿದ್ದರು. ಇದೀಗ ಹೃದಯ ಸಂಬಂಧಿ ಕಾಯಿಲೆಯಿಂದ ಬಳಲುತ್ತಿದ್ದ 3,800 ಬಡ ಮಕ್ಕಳ ಹೃದಯಕ್ಕೆ ಜೀವ ನೀಡಿ, ಸಮಾಜಸೇವೆಯಲ್ಲಿ ಹೆಸರುಗಳಿಸಿದ್ದಾರೆ.
ಪಾಲಕ್ ಮುಚ್ಚಲ್ ಮೂಲತಃ ಮಧ್ಯಪ್ರದೇಶದ ಇಂದೋರ್ ನವರು. ಹಲವು ವರ್ಷಗಳಿಂದ ಹಾಡು ಮತ್ತು ಗೀತೆರಚನೆ ಮಾಡಿ ಜನರನ್ನ ರಂಜಿಸುತ್ತಿದ್ದ ಇವರು ತಮ್ಮ ಆದಾಯದಿಂದ ಮತ್ತು ಹೃದಯ ಸಂಬಂಧಿ ಕಾಯಿಲೆಗಳ ಬಗ್ಗೆ ಜಾಗೃತಿ ಮೂಡಿಸಿ ಫಂಡ್ ಸಂಗ್ರಹಿಸಿ 3800 ಬಡ ಮಕ್ಕಳಿಗೆ ಹೃದಯ ಶಸ್ತ್ರಚಿಕಿತ್ಸೆಗೆ ನೆರವಾಗಿದ್ದಾರೆ. ಪಾಲಕ್ ಮುಚ್ಚಲ್ ಅವರ ಈ ಕಾರ್ಯಕ್ಕೆ ಎಲ್ಲೆಡೆ ವ್ಯಾಪಕ ಮೆಚ್ಚುಗೆ ವ್ಯಕ್ತವಾಗುತ್ತಿದೆ.
ರೈಲಿನಲ್ಲಿ ಹೋಗುವಾಗ ಬಡ ಮಕ್ಕಳ ನೋಡಿ ಮನಕರಗಿತ್ತಂತೆ!
ಪಾಲಕ್ ಮುಚ್ಚಲ್, ಒಮ್ಮೆ ರೈಲಿನಲ್ಲಿ ಬಡ ಮಕ್ಕಳನ್ನ ಭೇಟಿಯಾಗಿ ಅವರ ಕಷ್ಟಗಳನ್ನ ಕೇಳಿದ್ದರು, ಅಂದು ಪಾಲಕ್ ಮುಚ್ಚಲ್, ನಾನು ಒಂದು ದಿನ ನನ್ನ ಕೈಲಾದಷ್ಟು ಬಡ ಮಕ್ಕಳಿಗೆ ಸಹಾಯ ಮಾಡುತ್ತೇನೆ ಎಂದು ಪ್ರತಿಜ್ಞೆ ಮಾಡಿದ್ದರು. 2013ರಲ್ಲಿ ಪಾಲಕ್ ಮುಚ್ಚಲ್ ಅವರು ತಮ್ಮ ಸಂಗೀತ ಕಾರ್ಯಕ್ರಮಗಳಿಂದ ಬರೋಬ್ಬರಿ 2.5 ಕೋಟಿ ಹಣವನ್ನ ಸಂಗ್ರಹಿಸಿ ಸುಮಾರು 572 ಮಕ್ಕಳ ಶಸ್ತ್ರ ಚಿಕಿತ್ಸೆಗೆ ನೆರವಾಗಿದ್ದರು. ಗಾಯಕಿ ಪಾಲಕ್ ಮುಚ್ಚಲ್ ಕಾರ್ಗಿಲ್ ಹುತಾತ್ಮರ ಕುಟುಂಬಕ್ಕೂ ನೆರವಾಗಿದ್ದಾರೆ. ಮಾತ್ರವಲ್ಲದೇ, ಗುಜರಾತ್ನಲ್ಲಿ ಸಂಭವಿಸಿದ್ದ ಭೀಕರ ಭೂಕಂಪನಕ್ಕೆ ಸಿಲುಕಿ ನಲುಗಿ ಹೋಗಿದ್ದ ಸಂತ್ರಸ್ತರ ಕುಟುಂಬಗಳಿಗೆ ₹10 ಲಕ್ಷ ರೂ ಸಹಾಯ ಮಾಡಿದ್ದಾರೆ. ಹೆಂಡತಿಯ ಸಮಾಜ ಸೇವೆಗೆ ಗಂಡನ ಸಾಥ್ ನೀಡುತ್ತಿದ್ದು, ಎಲ್ಲಾ ಕಾರ್ಯಕ್ಕೆ ಪತಿ ಮಿಥುನ್ ಬೆನ್ನೆಲುಬಾಗಿ ನಿಂತಿದ್ದಾರೆ.
ವೀಡಿಯೋ ಸುದ್ದಿಗಳಿಗಾಗಿ ನಮ್ಮ ಯೂಟ್ಯೂಬ್ ಲಿಂಕ್ ಕ್ಲಿಕ್ ಮಾಡಿ: https://www.youtube.com/@tulutimess
