ಸಿನೆಮಾ : Tulu Times l ಬಹುನಿರೀಕ್ಷಿತ ಪೌರಾಣಿಕ ಚಿತ್ರ ‘ರಾಮಾಯಣ’ ಚಿತ್ರದ ಮೊದಲ ಟ್ರೈಲರ್ ಬಿಡುಗಡೆಯಾಗಿ ಸಿನಿಪ್ರಿಯರಲ್ಲಿ ಭಾರೀ ಸಂಚಲನ ಮೂಡಿಸಿದೆ. ಸುಮಾರು ನಾಲ್ಕು ನಿಮಿಷಗಳ ಟ್ರೈಲರ್ನಲ್ಲಿ ರಣಬೀರ್ ಕಪೂರ್ ರಾಮನಾಗಿ, ಯಶ್ ರಾವಣನಾಗಿ ಹಾಗೂ ಸಾಯಿ ಪಲ್ಲವಿ ಸೀತೆಯಾಗಿ ಕಾಣಿಸಿಕೊಂಡಿದ್ದು, ಭವ್ಯ ದೃಶ್ಯಗಳು ಮತ್ತು ಅದ್ದೂರಿ ಯುದ್ಧದ ಝಲಕ್ ಗಮನ ಸೆಳೆದಿದೆ. ಆದರೆ ಸನ್ನಿ ಡಿಯೋಲ್ ಅಭಿನಯದ ಹನುಮಂತನ ಪಾತ್ರವನ್ನು ಟ್ರೈಲರ್ನಲ್ಲಿ ಉದ್ದೇಶಪೂರ್ವಕವಾಗಿ ರಹಸ್ಯವಾಗಿಯೇ ಉಳಿಸಲಾಗಿದೆ.
ಗುರುವಾರ ಬೆಳಗಿನ ಬ್ರಹ್ಮ ಮುಹೂರ್ತದಲ್ಲಿ ಬೆಳಿಗ್ಗೆ 4.15ಕ್ಕೆ ಟ್ರೈಲರ್ ಬಿಡುಗಡೆಯಾಯಿತು. ರಾಮ ಮತ್ತು ರಾವಣ ನಡುವಿನ ಮಹಾಸಂಗ್ರಾಮಕ್ಕೆ ವೇದಿಕೆ ಸಿದ್ಧವಾಗುತ್ತಿರುವ ಕಥೆಯನ್ನು ಟ್ರೈಲರ್ನಲ್ಲಿ ಅನಾವರಣಗೊಳಿಸಲಾಗಿದೆ. ಟ್ರೈಲರ್ ರಾಮನ ಸ್ವಯಂವರ ಹಾಗೂ ಸೀತಾ ವಿವಾಹದಿಂದ ಆರಂಭವಾಗಿ, ಕೈಕೇಯಿ ನೀಡಿದ 14 ವರ್ಷಗಳ ವನವಾಸದ ಪ್ರಸಂಗವನ್ನು ತೋರಿಸುತ್ತದೆ. ರಾಮನೊಂದಿಗೆ ವನವಾಸಕ್ಕೆ ತೆರಳುವ ಲಕ್ಷ್ಮಣನ ಪಾತ್ರದಲ್ಲಿ ರವಿ ದುಬೆ ಕಾಣಿಸಿಕೊಂಡಿದ್ದಾರೆ.
ರಾಕುಲ್ ಪ್ರೀತ್ ಸಿಂಗ್ ಶೂರ್ಪನಖಿ ಕಾಣಿಸಿಕೊಂಡಿದ್ದು, ಸೀತೆಯನ್ನು ರಾವಣ ಅಪಹರಿಸಿದ ಬಳಿಕ ರಾವಣನ ವಿರುದ್ಧ ರಾಮ ಯುದ್ಧ ಘೋಷಿಸುವ ದೃಶ್ಯಗಳು ಟ್ರೈಲರ್ನ ಪ್ರಮುಖ ಆಕರ್ಷಣೆಯಾಗಿವೆ. ಅತ್ಯಾಧುನಿಕ ಸಿಜಿಐ ತಂತ್ರಜ್ಞಾನ, ಭವ್ಯ ಸೆಟ್ಗಳು, ಪೌರಾಣಿಕ ಜೀವಿಗಳು ಹಾಗೂ ಯುದ್ಧದ ದೃಶ್ಯಗಳು ಚಿತ್ರದ ಅದ್ದೂರಿತನವನ್ನು ಮತ್ತಷ್ಟು ಹೆಚ್ಚಿಸಿವೆ. ಆದರೆ ಚಿತ್ರದ ಪ್ರಮುಖ ಪಾತ್ರವಾದ ಹನುಮಂತನನ್ನು ಟ್ರೈಲರ್ನಲ್ಲಿ ತೋರಿಸದೇ ಚಿತ್ರತಂಡ ಅಭಿಮಾನಿಗಳ ಕುತೂಹಲವನ್ನು ಮತ್ತಷ್ಟು ಹೆಚ್ಚಿಸಿದೆ. ಹನುಮಂತನ ಲುಕ್ ಅನ್ನು ವಿಶೇಷವಾಗಿ ನಂತರ ಬಿಡುಗಡೆ ಮಾಡುವ ಸಾಧ್ಯತೆ ಇದೆ ಎಂದು ಹೇಳಲಾಗುತ್ತಿದೆ.
ನಿರ್ಮಾಪಕ ನಮಿತ್ ಮಲ್ಹೋತ್ರಾ ಟ್ರೈಲರ್ ಹಂಚಿಕೊಂಡು, ಇಲ್ಲಿಂದಲೇ ಮಹಾಕಾವ್ಯದ ಪಯಣ ಆರಂಭವಾಗುತ್ತದೆ ಎಂದು ಬರೆದುಕೊಂಡಿದ್ದಾರೆ. ನಿತೇಶ್ ತಿವಾರಿ ನಿರ್ದೇಶನದ ‘ರಾಮಾಯಣ’ ಎರಡು ಭಾಗಗಳಲ್ಲಿ ಬಿಡುಗಡೆಯಾಗಲಿದ್ದು, ಮೊದಲ ಭಾಗ ದೀಪಾವಳಿ 2026ರಲ್ಲಿ ಹಾಗೂ ಎರಡನೇ ಭಾಗ ದೀಪಾವಳಿ 2027ರಲ್ಲಿ ತೆರೆಗೆ ಬರಲಿದೆ. ಭಾರೀ ತಾರಾಗಣ, ಅದ್ದೂರಿ ತಾಂತ್ರಿಕ ನಿರ್ವಹಣೆ ಮತ್ತು ರಾಮ-ರಾವಣರ ಮಹಾಯುದ್ಧದ ನಿರೂಪಣೆಯಿಂದ ‘ರಾಮಾಯಣ’ ಈಗಾಗಲೇ ಸಿನಿರಸಿಕರಲ್ಲಿ ಅಪಾರ ನಿರೀಕ್ಷೆ ಮೂಡಿಸಿದೆ.
Yash appears in a ferocious avatar as Ravana in the ‘Ramayana’ trailer; Hanuman’s look remains a suspense – ತುಳುಟೈಮ್ಸ್
ಇದನ್ನೂ ಓದಿ :ಹತ್ಯೆ ದಿನ ಮುಂಚೆಯೇ ಚಾಕು ಖರೀದಿ; ಲಾವಣ್ಯ ಪ್ರಕರಣದಲ್ಲಿ ತನಿಖೆ ಚುರುಕು
===
ವೀಡಿಯೋ ಸುದ್ದಿಗಳಿಗಾಗಿ ನಮ್ಮ ಯೂಟ್ಯೂಬ್ ಲಿಂಕ್ ಕ್ಲಿಕ್ ಮಾಡಿ :https://youtu.be/IKW_z7twgxc
