ಹಾಲಿನ ಬಳಿಕ ಇದೀಗ ಬ್ರೆಡ್ ದರ ಏರಿಕೆ: ಸಾಮಾನ್ಯ ಜನರ ಜೇಬಿಗೆ ಮತ್ತೊಂದು ಹೊರೆ

ಬ್ರೆಡ್ : Tulu Times l ಇತ್ತೀಚೆಗೆ ಇಂಧನ, ಚಿನ್ನ ಹಾಗೂ ಹಾಲಿನ ಬೆಲೆ ಏರಿಕೆಯಿಂದ ಸಂಕಷ್ಟ ಅನುಭವಿಸುತ್ತಿರುವ ಜನತೆಗೆ ಇದೀಗ ಬ್ರೆಡ್ ದರ ಏರಿಕೆಯೂ ಮತ್ತೊಂದು ಆಘಾತ ತಂದಿದೆ. ವಿವಿಧ ಜನಪ್ರಿಯ ಬ್ರೆಡ್ ಉತ್ಪನ್ನಗಳ ಬೆಲೆಯಲ್ಲಿ ಏರಿಕೆ ಮಾಡಲಾಗಿದ್ದು, ದಿನನಿತ್ಯದ ಆಹಾರ ವೆಚ್ಚ ಮತ್ತಷ್ಟು ಹೆಚ್ಚಾಗಿದೆ.

ಸ್ಯಾಂಡ್‌ವಿಚ್ ಬ್ರೆಡ್, ಹೋಲ್ ವೀಟ್ ಬ್ರೆಡ್, ಬ್ರೌನ್ ಬ್ರೆಡ್ ಹಾಗೂ ಮಲ್ಟಿಗ್ರೇನ್ ಬ್ರೆಡ್ ಸೇರಿದಂತೆ ಸಾಮಾನ್ಯವಾಗಿ ಹೆಚ್ಚು ಖರೀದಿಸಲಾಗುವ ಹಲವು ಬ್ರೆಡ್‌ಗಳ ಬೆಲೆಯಲ್ಲಿ ಸುಮಾರು ₹5ರಷ್ಟು ಹೆಚ್ಚಳವಾಗಿದೆ. ಸಣ್ಣ ಗಾತ್ರದ ಬ್ರೆಡ್‌ಗಳ ದರವೂ ಏರಿಕೆಯಾಗಿದೆ.

ಪ್ರತಿದಿನ ಉಪಹಾರ ಮತ್ತು ತಿನಿಸಿಗಾಗಿ ಬ್ರೆಡ್ ಬಳಸುವ ಕುಟುಂಬಗಳ ಮೇಲೆ ಈ ದರ ಏರಿಕೆಯ ಪರಿಣಾಮ ಹೆಚ್ಚು ಕಾಣಿಸಿಕೊಳ್ಳುವ ಸಾಧ್ಯತೆ ಇದೆ. ಸ್ಯಾಂಡ್‌ವಿಚ್ ಹಾಗೂ ಟೋಸ್ಟ್ ಆಧಾರಿತ ಬೇಕರಿ ಆಹಾರಗಳ ದರವೂ ಮುಂದಿನ ದಿನಗಳಲ್ಲಿ ಸ್ವಲ್ಪ ಹೆಚ್ಚಾಗುವ ನಿರೀಕ್ಷೆಯಿದೆ. ಹೊಸ ದರಗಳ ಪ್ರಕಾರ, ಈವರೆಗೆ ₹40ಕ್ಕೆ ದೊರೆಯುತ್ತಿದ್ದ 400 ಗ್ರಾಂ ಸ್ಯಾಂಡ್‌ವಿಚ್ ಬ್ರೆಡ್ ಇದೀಗ ₹45ಕ್ಕೆ ಏರಿಕೆಯಾಗಿದೆ. ಹೋಲ್ ವೀಟ್ ಬ್ರೆಡ್ ₹55ರಿಂದ ₹60ಕ್ಕೆ, ಮಲ್ಟಿಗ್ರೇನ್ ಬ್ರೆಡ್ ₹60ರಿಂದ ₹65ಕ್ಕೆ ಹೆಚ್ಚಳ ಕಂಡಿದೆ.

ಅದೇ ರೀತಿ ಬ್ರೌನ್ ಬ್ರೆಡ್ ಬೆಲೆ ₹45ರಿಂದ ₹50ಕ್ಕೆ ಏರಿಕೆಯಾಗಿದೆ. ಸಣ್ಣ ಗಾತ್ರದ ಬ್ರೆಡ್‌ಗಳಲ್ಲಿಯೂ ದರ ಹೆಚ್ಚಳವಾಗಿದೆ. ₹20ಕ್ಕೆ ದೊರೆಯುತ್ತಿದ್ದ ಸಣ್ಣ ವೈಟ್ ಲೋಫ್ ಈಗ ₹22ಕ್ಕೆ ಮಾರಾಟವಾಗಲಿದೆ. ₹28 ಇದ್ದ ಸಣ್ಣ ಬ್ರೌನ್ ಲೋಫ್ ಬೆಲೆ ಇದೀಗ ₹30ಕ್ಕೆ ಏರಿಕೆಯಾಗಿದೆ.ಇತ್ತೀಚಿನ ಹಾಲಿನ ದರ ಏರಿಕೆಯ ಬಳಿಕ ಬ್ರೆಡ್ ಬೆಲೆ ಹೆಚ್ಚಳವೂ ಮಧ್ಯಮ ಹಾಗೂ ಕಡಿಮೆ ಆದಾಯದ ಕುಟುಂಬಗಳ ಅಡುಗೆ ವೆಚ್ಚದ ಮೇಲೆ ಮತ್ತಷ್ಟು ಒತ್ತಡ ತರಲಿದೆ ಎಂದು ಗ್ರಾಹಕರು ಆತಂಕ ವ್ಯಕ್ತಪಡಿಸಿದ್ದಾರೆ. ನಗರಗಳ ವಿವಿಧ ರಿಟೇಲ್ ಅಂಗಡಿಗಳು ಮತ್ತು ಬೇಕರಿಗಳಲ್ಲಿ ಈಗಾಗಲೇ ಹೊಸ ದರ ಜಾರಿಯಾಗಿರುವುದು ಕಂಡುಬಂದಿದೆ.

After milk, now bread prices have increased: Another burden on the pockets of the common man – ತುಳುಟೈಮ್ಸ್

ಇದನ್ನೂ ಓದಿ :ಭೂಕಂಪದ ಹೊಡೆತ ಕಡಿಮೆ ಮಾಡುವ ಹಾಗೂ ವಿದ್ಯುತ್ ಇಲ್ಲದಿದ್ದರೂ ಕೆಲಸ ಮಾಡುವ ತಂತ್ರಜ್ಞಾನ

====

ವೀಡಿಯೋ ಸುದ್ದಿಗಳಿಗಾಗಿ ನಮ್ಮ ಯೂಟ್ಯೂಬ್ ಲಿಂಕ್ ಕ್ಲಿಕ್  ಮಾಡಿ :https://www.youtube.com/live/4pEuD7fDOuo?si=APV6SvM8DussGEYf