ಮಕ್ಕಳು : Tulu Times l ಮಕ್ಕಳ ಆರೈಕೆಯಲ್ಲಿ ಡೈಪರ್ಗಳು ಪೋಷಕರಿಗೆ ಸಾಕಷ್ಟು ಅನುಕೂಲವನ್ನು ಒದಗಿಸುತ್ತವೆ. ವಿಶೇಷವಾಗಿ ಪ್ರಯಾಣದ ಸಂದರ್ಭದಲ್ಲಿ ಹಾಗೂ ರಾತ್ರಿ ವೇಳೆ ಡೈಪರ್ ಬಳಕೆ ಹೆಚ್ಚು ಸಹಾಯಕವಾಗುತ್ತದೆ. ಆದರೆ, ಮಕ್ಕಳಿಗೆ ಡೈಪರ್ ಹಾಕುವಾಗ ಕೆಲವು ಮುನ್ನೆಚ್ಚರಿಕೆಗಳನ್ನು ಕಡ್ಡಾಯವಾಗಿ ಪಾಲಿಸಬೇಕು ಎಂದು ವೈದ್ಯರು ಸಲಹೆ ನೀಡುತ್ತಾರೆ.
ಸಾಮಾನ್ಯವಾಗಿ ಮಕ್ಕಳಿಗೆ ಎರಡು ವರ್ಷದವರೆಗೆ ಡೈಪರ್ ಬಳಸಬಹುದು. ಆದರೆ, ಡೈಪರ್ ಅನ್ನು ನಿರಂತರವಾಗಿ ಹಾಗೂ ದೀರ್ಘಕಾಲ ಬದಲಾಯಿಸದೆ ಇಡುವುದು ಆರೋಗ್ಯಕ್ಕೆ ಹಾನಿಕಾರಕವಾಗಬಹುದು. ಮೂತ್ರ ಅಥವಾ ಮಲದಿಂದ ಒದ್ದೆಯಾದ ಡೈಪರ್ನ್ನು ಹೆಚ್ಚು ಹೊತ್ತು ಹಾಗೆಯೇ ಇರಿಸಿದರೆ, ತೊಡೆಸಂದು ಮತ್ತು ಗುಪ್ತಾಂಗಗಳ ಸುತ್ತಲಿನ ಚರ್ಮದಲ್ಲಿ ಕಿರಿಕಿರಿ, ಕೆಂಪಾಗುವಿಕೆ, ತುರಿಕೆ ಹಾಗೂ ಸೋಂಕು ಉಂಟಾಗುವ ಸಾಧ್ಯತೆ ಇರುತ್ತದೆ.
ಮನೆಯಲ್ಲಿರುವಾಗ ಸಾಧ್ಯವಾದಷ್ಟು ಹತ್ತಿ ಬಟ್ಟೆಯ ಡೈಪರ್ ಬಳಸುವುದು ಉತ್ತಮ. ಹತ್ತಿ ಡೈಪರ್ಗಳು ಗಾಳಿಯಾಡಲು ಸಹಾಯ ಮಾಡುತ್ತವೆ. ಪ್ರಯಾಣದ ಸಂದರ್ಭಗಳಲ್ಲಿ ಅಥವಾ ಹೊರಗಡೆ ಹೆಚ್ಚು ಸಮಯ ಕಳೆಯುವಾಗ ಡಿಸ್ಪೋಸೇಬಲ್ ಡೈಪರ್ ಬಳಸಬಹುದು. ಆದರೆ, ಡಿಸ್ಪೋಸೇಬಲ್ ಡೈಪರ್ಗಳನ್ನು ಕೂಡ ಸಮಯಕ್ಕೆ ಸರಿಯಾಗಿ ಬದಲಾಯಿಸುವುದು ಅತ್ಯಂತ ಮುಖ್ಯವಾಗಿದೆ.
ಚರ್ಮದ ಆರೈಕೆ ಅತ್ಯಂತ ಮುಖ್ಯ ;
ಡೈಪರ್ ತೆಗೆದ ನಂತರ ಮಗುವಿನ ಅಂಗಾಂಗಗಳನ್ನು ಕೆಲಕಾಲ ಗಾಳಿಗೆ ಒಡ್ಡಬೇಕು. ಇದರಿಂದ ಚರ್ಮಕ್ಕೆ ಉಸಿರಾಟ ಸಿಗುತ್ತದೆ ಹಾಗೂ ತೇವಾಂಶ ಕಡಿಮೆಯಾಗುತ್ತದೆ. ಹೊಸ ಡೈಪರ್ ಹಾಕುವ ಮೊದಲು ಬೆಚ್ಚಗಿನ ನೀರಿನಿಂದ ಆ ಪ್ರದೇಶವನ್ನು ಸ್ವಚ್ಛವಾಗಿ ತೊಳೆಯಬೇಕು. ನಂತರ ಮೃದುವಾದ ಹತ್ತಿ ಬಟ್ಟೆಯಿಂದ ನಿಧಾನವಾಗಿ ಒರೆಸಿ ಒಣಗಿಸಬೇಕು. ಮಗುವಿನ ಚರ್ಮದಲ್ಲಿ ಕೆಂಪು ಕಲೆಗಳು, ಊತ, ಗುಳ್ಳೆಗಳು, ಗಾಯ, ದುರ್ವಾಸನೆ ಅಥವಾ ನಿರಂತರ ಕಿರಿಕಿರಿ ಕಂಡುಬಂದರೆ ನಿರ್ಲಕ್ಷಿಸಬಾರದು. ಇಂತಹ ಲಕ್ಷಣಗಳು ಕಂಡುಬಂದಲ್ಲಿ ಮಕ್ಕಳ ವೈದ್ಯರನ್ನು ಸಂಪರ್ಕಿಸುವುದು ಸೂಕ್ತ. ಡೈಪರ್ ಬಳಕೆಯಲ್ಲಿ ಸ್ವಚ್ಛತೆ, ಸಮಯಕ್ಕೆ ಸರಿಯಾಗಿ ಬದಲಾವಣೆ ಮತ್ತು ಚರ್ಮದ ಆರೈಕೆ ಅತ್ಯಂತ ಮುಖ್ಯವಾಗಿದೆ ಎಂದು ವೈದ್ಯರು ತಿಳಿಸಿದ್ದಾರೆ.
Caution when using diapers for children: Doctors advice – ತುಳು ಟೈಮ್ಸ್
ಇದನ್ನೂ ಓದಿ : ಸಿಗರೇಟ್ ಕೆಲವು ಪ್ಯಾಕ್ಗಳ ದರದಲ್ಲಿ ಭಾರೀ ಹೆಚ್ಚಳ
====
ವೀಡಿಯೋ ಸುದ್ದಿಗಳಿಗಾಗಿ ನಮ್ಮ ಯೂಟ್ಯೂಬ್ ಲಿಂಕ್ ಕ್ಲಿಕ್ ಮಾಡಿ : https://youtube.com/live/ldxlcSIyBx4?feature=share
