ಸಿನೆಮಾ : Tulu Times l ತಮಿಳು ಚಿತ್ರರಂಗದಲ್ಲಿ ಸಾಕಷ್ಟು ಚರ್ಚೆಗೆ ಗ್ರಾಸವಾಗಿರುವ ನಟ ರವಿ ಮೋಹನ್ ಅವರ ವೈಯಕ್ತಿಕ ಜೀವನದ ವಿವಾದ ಇದೀಗ ಹೊಸ ತಿರುವು ಪಡೆದುಕೊಂಡಿದೆ. ವಿಚ್ಛೇದನ, ಸಾಮಾಜಿಕ ಜಾಲತಾಣ ಟ್ರೋಲಿಂಗ್ ಹಾಗೂ ಗಾಯಕಿ ಕೆನಿಷಾ ಫ್ರಾನ್ಸಿಸ್ ಅವರೊಂದಿಗೆ ಹೆಸರೊಂದಿಗೆ ಕೇಳಿಬರುತ್ತಿರುವ ವಿಚಾರಗಳ ಬಗ್ಗೆ ರವಿ ಮೋಹನ್ ಮೊದಲ ಬಾರಿಗೆ ಬಹಿರಂಗವಾಗಿ ಪ್ರತಿಕ್ರಿಯಿಸಿದ್ದಾರೆ.
ಕೆಲವು ತಿಂಗಳುಗಳ ಹಿಂದೆ ರವಿ ಮೋಹನ್ ತಮ್ಮ ಪತ್ನಿ ಆರತಿ ರವಿ ಅವರಿಂದ ದೂರವಾಗುತ್ತಿರುವುದಾಗಿ ಘೋಷಿಸಿದ್ದರು. ಆದರೆ ಈ ಘೋಷಣೆಯ ಬಗ್ಗೆ ತಮಗೆ ಪೂರ್ವ ಮಾಹಿತಿ ಇರಲಿಲ್ಲ ಎಂದು ಆರ್ತಿ ಬಳಿಕ ಹೇಳಿಕೆ ನೀಡಿದ್ದರು. ಇದರ ಬೆನ್ನಲ್ಲೇ ರವಿ ಮೋಹನ್ ತಮ್ಮ ಮೇಲೆ ಮಾನಸಿಕ ಹಿಂಸೆ ನಡೆದಿತ್ತು ಎಂದು ಆರೋಪಿಸಿದ್ದರು. ಈ ಪರಸ್ಪರ ಆರೋಪ-ಪ್ರತ್ಯಾರೋಪಗಳು ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಚರ್ಚೆಗೆ ಕಾರಣವಾಗಿದ್ದವು.
ಈ ವಿವಾದಗಳ ನಡುವೆಯೇ ರವಿ ಮೋಹನ್ ಮತ್ತು ಕೆನೀಷಾ ಫ್ರಾನ್ಸಿಸ್ ಹಲವೆಡೆ ಒಟ್ಟಿಗೆ ಕಾಣಿಸಿಕೊಂಡಿದ್ದರು. ಮದುವೆ ಸಮಾರಂಭಗಳು ಹಾಗೂ ದೇವಸ್ಥಾನದಲ್ಲಿ ನಡೆದ ಸಂಗೀತ ಕಾರ್ಯಕ್ರಮದಲ್ಲಿಯೂ ಇಬ್ಬರೂ ಜೊತೆಯಾಗಿ ಕಾಣಿಸಿಕೊಂಡಿದ್ದು ಸುದ್ದಿಯಾಗಿತ್ತು. ಕಾರ್ಯಕ್ರಮದ ವೇಳೆ ರವಿ ಮೋಹನ್ ಕೆನೀಷಾಳನ್ನು ಆತ್ಮೀಯವಾಗಿ ಅಪ್ಪಿಕೊಂಡಿರುವ ದೃಶ್ಯಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದವು.
ನಿರಂತರ ಟ್ರೋಲಿಂಗ್, ವೈಯಕ್ತಿಕ ಟೀಕೆಗಳು ಹಾಗೂ ಕುಟುಂಬದ ವಿಚಾರಗಳನ್ನು ಸಾರ್ವಜನಿಕವಾಗಿ ಚರ್ಚಿಸಲಾಗುತ್ತಿರುವ ಬಗ್ಗೆ ಅಸಮಾಧಾನ ವ್ಯಕ್ತಪಡಿಸಿರುವ ರವಿ ಮೋಹನ್, ‘ಸಾಕಾಗಿದೆ’ ಎಂದು ಪ್ರತಿಕ್ರಿಯಿಸಿದ್ದಾರೆ ಎನ್ನಲಾಗಿದೆ. ಸೈಬರ್ ದಾಳಿ ಮತ್ತು ಸಾರ್ವಜನಿಕ ಒತ್ತಡವು ತಮ್ಮ ವೈಯಕ್ತಿಕ ಜೀವನದ ಮೇಲೆ ದೊಡ್ಡ ಪರಿಣಾಮ ಬೀರಿದೆ ಎಂದು ಅವರು ಹೇಳಿದ್ದಾರೆ. ಇದೇ ವೇಳೆ ಕೆನೀಷಾ ಫ್ರಾನ್ಸಿಸ್ ಕೂಡ ಆನ್ಲೈನ್ ದ್ವೇಷ, ಟ್ರೋಲಿಂಗ್ ಮತ್ತು ವೈಯಕ್ತಿಕ ಟೀಕೆಗಳಿಂದ ಮಾನಸಿಕ ಒತ್ತಡ ಅನುಭವಿಸಿರುವುದಾಗಿ ತಿಳಿಸಿದ್ದಾರೆ. ರವಿ ಮೋಹನ್, ಆರ್ತಿ ಮತ್ತು ಕೆನೀಷಾ ನಡುವಿನ ಈ ಬೆಳವಣಿಗೆಗಳು ಇದೀಗ ತಮಿಳು ಚಿತ್ರರಂಗದಲ್ಲಿ ಅತ್ಯಂತ ಚರ್ಚಿತ ಸೆಲೆಬ್ರಿಟಿ ವಿವಾದಗಳಲ್ಲಿ ಒಂದಾಗಿ ಪರಿಣಮಿಸಿವೆ. ಸಾಮಾಜಿಕ ಜಾಲತಾಣಗಳ ಪ್ರಭಾವ, ಖಾಸಗಿ ಬದುಕಿನ ಮೇಲೆ ಸಾರ್ವಜನಿಕ ಹಸ್ತಕ್ಷೇಪ ಮತ್ತು ಸೈಬರ್ ಟ್ರೋಲಿಂಗ್ ಬಗ್ಗೆ ಮತ್ತೆ ಚರ್ಚೆ ಆರಂಭವಾಗಿದೆ.
Ravi Mohan breaks silence on divorce controversy, cyber trolling – ತುಳುಟೈಮ್ಸ್
ಇದನ್ನೂ ಓದಿ :ನೀಟ್ ಪ್ರಶ್ನೆಪತ್ರಿಕೆ ಸೋರಿಕೆ : ಪುಣೆಯ ಶಿಕ್ಷಕಿ ಇದರ ಮಾರ್ಗದರ್ಶಕಿಯಾಗಿದ್ದಳೇ?
====
ವೀಡಿಯೋ ಸುದ್ದಿಗಳಿಗಾಗಿ ನಮ್ಮ ಯೂಟ್ಯೂಬ್ ಲಿಂಕ್ ಕ್ಲಿಕ್ ಮಾಡಿ :https://www.youtube.com/live/4pEuD7fDOuo?si=CQpQ4w3yai4cOI51
