ದೇಶ : Tulu Times l ಭಾರತದ ತ್ರಿವರ್ಣ ಧ್ವಜವು ಕೇವಲ ಭೂಮಿಯ ಮೇಲಷ್ಟೇ ಅಲ್ಲ, ಈಗ ಸಮುದ್ರದಾಳದಲ್ಲಿಯೂ ಹಾರಾಡಿದೆ. ಅಂಡಮಾನ್ ಮತ್ತು ನಿಕೋಬಾರ್ ದ್ವೀಪಗಳ ಆಡಳಿತವು ವಿಶ್ವ ಮಟ್ಟದಲ್ಲಿ ಗಮನಸೆಳೆದ ಸಾಧನೆಯನ್ನು ಮಾಡಿದ್ದು, ಜಗತ್ತಿನ ಅತಿ ದೊಡ್ಡ ಅಂಡರ್ವಾಟರ್ ರಾಷ್ಟ್ರೀಯ ಧ್ವಜವನ್ನು ಹಾರಿಸುವ ಮೂಲಕ ಹೊಸ ಗಿನ್ನಿಸ್ ವಿಶ್ವ ದಾಖಲೆ ನಿರ್ಮಿಸಿದೆ.
ಈ ವಿಶಿಷ್ಟ ಸಾಧನೆ ರಾಧಾನಗರ್ ಸಮುದ್ರದ ಸಮೀಪದಲ್ಲಿ ನಡೆದಿದೆ. ಸುಮಾರು 60 ಮೀಟರ್ ಉದ್ದ ಮತ್ತು 40 ಮೀಟರ್ ಅಗಲ ಹೊಂದಿರುವ ಭಾರೀ ತ್ರಿವರ್ಣ ಧ್ವಜವನ್ನು ಸಮುದ್ರದಾಳದಲ್ಲಿ ಹಾರಿಸಲಾಯಿತು. ಇದು ಸಾಮಾನ್ಯ ಕಾರ್ಯವಲ್ಲ. ಬಹಳ ಸಂಕೀರ್ಣ ಹಾಗೂ ಸಮನ್ವಯದೊಂದಿಗೆ ನಡೆದ ವಿಶೇಷ ಕಾರ್ಯಾಚರಣೆಯಾಗಿತ್ತು.
ಈ ಕಾರ್ಯಕ್ರಮವನ್ನು ಸ್ವರಾಜ್ ದ್ವೀಪದಲ್ಲಿ ಆಯೋಜಿಸಲಾಗಿದ್ದು, ವಿವಿಧ ಇಲಾಖೆಗಳ ಸಹಕಾರದಿಂದ ಯಶಸ್ವಿಯಾಯಿತು.ಈ ಮಹತ್ವದ ಕಾರ್ಯಾಚರಣೆಯಲ್ಲಿ:
* ಅಂಡಮಾನ್ ಮತ್ತು ನಿಕೋಬಾರ್ ಪೋಲಿಸರು
• ಭಾರತೀಯ ನೌಕಾಪಡೆ
* ಭಾರತೀಯ ಕೋಸ್ಟ್ ಗಾರ್ಡ್, ಅರಣ್ಯ ಇಲಾಖೆ ಹಾಗೂ ವಿವಿಧ ಡೈವಿಂಗ್ (ಮುಳುಗುಗಾರರ) ಕೇಂದ್ರಗಳ ತಜ್ಞರು ಭಾಗವಹಿಸಿದ್ದರು. ಒಟ್ಟು 200ಕ್ಕೂ ಹೆಚ್ಚು ಮುಳುಗುಗಾರರು ಈ ಸಾಹಸದಲ್ಲಿ ಪಾಲ್ಗೊಂಡಿದ್ದು, ಅಚ್ಚುಕಟ್ಟಾದ ಯೋಜನೆ ಮತ್ತು ತರಬೇತಿಯ ಫಲವಾಗಿ ಈ ಸಾಧನೆ ಸಾಧ್ಯವಾಯಿತು.
ಈ ಸಾಧನೆಗೆ ಸಾಕ್ಷಿಯಾದವರಲ್ಲಿ ಲೆಫ್ಟಿನೆಂಟ್ ಗವರ್ನರ್ ಡಿ.ಕೆ. ಜೋಶಿ, ಮುಖ್ಯ ಕಾರ್ಯದರ್ಶಿ ಚಂದ್ರ ಭೂಷಣ್ ಕುಮಾರ್ ಹಾಗೂ ಪೊಲೀಸ್ ಮಹಾನಿರ್ದೇಶಕ ಎಚ್.ಎಸ್. ಧಲಿವಾಲ್ ಸೇರಿದಂತೆ ಹಲವು ಹಿರಿಯ ಅಧಿಕಾರಿಗಳು ಉಪಸ್ಥಿತರಿದ್ದರು.
ಸಮುದ್ರದಾಳದಲ್ಲಿ ತ್ರಿವರ್ಣ ಧ್ವಜ ಹಾರಿಸುವುದು ಕೇವಲ ದಾಖಲೆ ನಿರ್ಮಾಣವಲ್ಲ; ಇದು ದೇಶಭಕ್ತಿ, ಧೈರ್ಯ ಮತ್ತು ತಾಂತ್ರಿಕ ಸಾಮರ್ಥ್ಯದ ಪ್ರತೀಕವಾಗಿದೆ. ಭಾರತದ ಸಾಮರ್ಥ್ಯವು ಭೂಮಿಯ ಮೇಲೆ ಮಾತ್ರವಲ್ಲ, ಸಮುದ್ರದಾಳದಲ್ಲಿಯೂ ಮಿಂಚುತ್ತಿದೆ ಎಂಬುದನ್ನು ಈ ಸಾಧನೆ ಸಾರುತ್ತದೆ. ಅಂಡಮಾನ್ ಮತ್ತು ನಿಕೋಬಾರ್ ದ್ವೀಪಗಳಲ್ಲಿ ನಿರ್ಮಿತ ಈ ಗಿನ್ನೆಸ್ ದಾಖಲೆ, ಭಾರತವು ಸಾಹಸ, ತಂತ್ರಜ್ಞಾನ ಮತ್ತು ರಾಷ್ಟ್ರೀಯ ಗೌರವದಲ್ಲಿ ಎಷ್ಟು ಮುಂದೆ ಸಾಗುತ್ತಿದೆ ಎಂಬುದನ್ನು ಜಗತ್ತಿಗೆ ತೋರಿಸಿದೆ.
Guinness World Record in Andaman: Largest tricolor flag in the ocean- ತುಳುಟೈಮ್ಸ್
ಇದನ್ನೂ ಓದಿ :ದೆಹಲಿ ನ್ಯಾಯಾಧೀಶ ಆತ್ಮಹತ್ಯೆ: ಗೃಹ ಕಲಹ, ಮಾನಸಿಕ ಒತ್ತಡವೇ ಸಾವಿಗೆ ಕಾರಣವಾಯ್ತಾ?
=====
ವೀಡಿಯೋ ಸುದ್ದಿಗಳಿಗಾಗಿ ನಮ್ಮ ಯೂಟ್ಯೂಬ್ ಲಿಂಕ್ ಕ್ಲಿಕ್ ಮಾಡಿ :https://www.youtube.com/live/4pEuD7fDOuo?si=a1RrafZ9E-owDiVj
