ಅಮೆರಿಕ : Tulu Times l ಇರಾನ್ ವಿದೇಶಾಂಗ ಸಚಿವ ಅಮೆರಿಕ ವಿರುದ್ಧ ಆರೋಪ ಮಾಡಿದ್ದು, ಮೊದಲು ರಷ್ಯಾದಿಂದ ತೈಲ ಖರೀದಿಸಬೇಡಿ ಎಂದು ಒತ್ತಾಯಿಸಿದ್ದ ಅಮೆರಿಕ ಈಗ ಭಾರತ ಸೇರಿದಂತೆ ಹಲವು ದೇಶಗಳಿಗೆ ರಷ್ಯಾ ತೈಲ ಖರೀದಿಸಲು ಪ್ರೋತ್ಸಾಹ ನೀಡುತ್ತಿದೆ ಎಂದು ಹೇಳಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ಪ್ರಕಟಿಸಿದ ಸಂದೇಶದಲ್ಲಿ ಅವರು, ಕಳೆದ ಕೆಲವು ತಿಂಗಳುಗಳಿಂದ ಯುಎಸ್, ಭಾರತವನ್ನು ರಷ್ಯಾದಿಂದ ತೈಲ ಆಮದು ನಿಲ್ಲಿಸಲು ಒತ್ತಡ ಹಾಕಿತ್ತು ಎಂದು ತಿಳಿಸಿದ್ದಾರೆ.
ಆದರೆ ಈಗ ಇರಾನ್ ಸಂಬಂಧಿತ ಉದ್ವಿಗ್ನತೆಯಿಂದ ಜಾಗತಿಕ ಇಂಧನ ಮಾರುಕಟ್ಟೆ ಒತ್ತಡಕ್ಕೆ ಒಳಗಾಗಿರುವ ಕಾರಣ, ಅಮೆರಿಕವೇ ಮತ್ತೆ ಹಲವು ದೇಶಗಳಿಗೆ ರಷ್ಯಾದ ಕಚ್ಚಾ ತೈಲ ಖರೀದಿಸಲು ಸೂಚಿಸುತ್ತಿದೆ ಎಂದು ಅವರು ಆರೋಪಿಸಿದ್ದಾರೆ. ಇದರ ಜೊತೆಗೆ ಕೆಲವು ಯುರೋಪಿಯನ್ ದೇಶಗಳು ಇರಾನ್ ವಿರುದ್ಧ ನಡೆಯುತ್ತಿರುವ ಯುದ್ಧಕ್ಕೆ ಬೆಂಬಲ ನೀಡಿರುವುದನ್ನು ಕೂಡ ಅವರು ಟೀಕಿಸಿದ್ದಾರೆ. ಅಮೆರಿಕದ ಬೆಂಬಲವನ್ನು ರಷ್ಯಾ ವಿರುದ್ಧ ಪಡೆಯಲು ಯುರೋಪ್ ದೇಶಗಳು ಇರಾನ್ ವಿರುದ್ಧದ ಯುದ್ಧಕ್ಕೆ ಬೆಂಬಲ ನೀಡಿವೆ ಎಂದು ಅವರು ಹೇಳಿದ್ದಾರೆ.
ಭಾರತವು ರಷ್ಯಾದಿಂದ ತೈಲ ಖರೀದಿಸುವುದು ಅನಿವಾರ್ಯ ಎಂದು ಹೇಳಲಾಗಿದ್ದು, ಪಶ್ಚಿಮ ಏಷ್ಯಾದ ಉದ್ವಿಗ್ನತೆಯಿಂದ ಜಾಗತಿಕ ಇಂಧನ ಸರಬರಾಜು ವ್ಯವಸ್ಥೆಯಲ್ಲಿ ಉಂಟಾದ ಅಡಚಣೆಯ ಹಿನ್ನೆಲೆದಲ್ಲಿ ಭಾರತೀಯ ರಿಫೈನರಿಗಳಿಗೆ 30 ದಿನಗಳ ತಾತ್ಕಾಲಿಕ ವಿನಾಯಿತಿ ನೀಡಲಾಗಿದೆ ಎನ್ನಲಾಗಿದೆ. ಹಣಕಾಸು ನೀತಿ, ತೆರಿಗೆ ವ್ಯವಸ್ಥೆ, ಸರ್ಕಾರಿ ಸಾಲ ನಿರ್ವಹಣೆ ಮತ್ತು ಆರ್ಥಿಕ ನಿಯಂತ್ರಣ ಸೇರಿದ ಖಜಾನೆಯ ಕಾರ್ಯದರ್ಶಿಯಾದ ಬೆಸೆಂಟ್, ಹೇಳಿಕೆ ಪ್ರಕಾರ ಈಗಾಗಲೇ ರಷ್ಯಾದಿಂದ ಹೊರಟಿರುವ ತೈಲ ಸಾಗಣೆ ಹಡಗುಗಳು ಮಾರ್ಗದಲ್ಲಿರುವುದರಿಂದ, ಭಾರತೀಯ ರಿಫೈನರಿಗಳಿಗೆ 30 ದಿನಗಳ ವಿನಾಯಿತಿ ನೀಡುವುದು ಅಗತ್ಯವಾಯಿತು. ರಷ್ಯಾದ ತೈಲ ಈಗಾಗಲೇ ಸಮುದ್ರ ಮಾರ್ಗದಲ್ಲಿ ಸಾಗುತ್ತಿದೆ. ಅದು ಭಾರತೀಯ ರಿಫೈನರಿಗಳಿಗೆ ತ್ವರಿತವಾಗಿ ದೊರೆಯುವ ಮೂಲವಾಗಿರುವುದರಿಂದ ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ, ಎಂದು ಅವರು ಹೇಳಿದ್ದಾರೆ. ಇದಲ್ಲದೆ, ಆ ತೈಲವನ್ನು ಭಾರತ ಖರೀದಿಸದಿದ್ದರೆ ಅದು ಅಂತಿಮವಾಗಿ ಚೀನಾಕ್ಕೆ ಹೋಗುತ್ತಿತ್ತು ಎಂದು ಅವರು ಹೇಳಿದ್ದಾರೆ.
US urges India, other countries to buy Russian oil – ತುಳು ಟೈಮ್ಸ್
ಇದನ್ನೂ ಓದಿ :ಚಿತ್ರೀಕರಣದ ಹಾರ್ಡ್ಡಿಸ್ಕ್ ಕೊಂಡೊಯ್ದ ಆರೋಪ : ನಕಲಿ ನಿರ್ದೇಶಕನ ವಿರುದ್ಧ ಕೇಸ್ ದಾಖಲು
====
ವೀಡಿಯೋ ಸುದ್ದಿಗಳಿಗಾಗಿ ನಮ್ಮ ಯೂಟ್ಯೂಬ್ ಲಿಂಕ್ ಕ್ಲಿಕ್ ಮಾಡಿ : https://www.youtube.com/live/-PlvbIZDxfU?si=16u4zDqFh1_lBN_I
