ಆಮ್ಲತೆ ಸಮಸ್ಯೆಗೆ ರುಚಿಯಾದ ಕಡಿಮೆ ಕ್ಯಾಲೊರಿ ಡೆಸರ್ಟ್ : ತಜ್ಞರ ಸಲಹೆ

ಆರೋಗ್ಯ : Tulu Timesl ನಾವು ಇಷ್ಟಪಡುವ ಆಹಾರವನ್ನು ತಿನ್ನುವುದು ಸಂತೋಷ ನೀಡುತ್ತದೆ. ಆದರೆ ಕೆಲವೊಮ್ಮೆ ಅದೇ ಆಹಾರ ಜೀರ್ಣಕ್ರಿಯೆ ಸಮಸ್ಯೆಗಳನ್ನು, ವಿಶೇಷವಾಗಿ ಆಮ್ಲತೆ (Acid Reflux) ಸಮಸ್ಯೆಯನ್ನು ಉಂಟುಮಾಡಬಹುದು. ಬೇಗ ಬೇಗ ತಿನ್ನುವುದು, ಹೆಚ್ಚು ಕೆಫಿನ್ ಸೇವನೆ, ಸಕ್ಕರೆ ತುಂಬಿರುವ ಪಾನೀಯಗಳು ಇತ್ಯಾದಿ ಕಾರಣಗಳಿಂದ ಈ ಸಮಸ್ಯೆ ಹೆಚ್ಚಾಗುತ್ತದೆ ಎಂದು ವೈದ್ಯರು ಹೇಳುತ್ತಾರೆ.

ಅಮೆರಿಕದ ಪ್ರಸಿದ್ಧ ಗ್ಯಾಸ್ಟ್ರೋಎಂಟರಾಲಜಿಸ್ಟ್ ಪ್ರಕಾರ, ಚಾಕೊಲೇಟ್, ಪೆಪ್ಪರ್‌ಮಿಂಟ್ ಹಾಗೂ ಹೆಚ್ಚು ಸಕ್ಕರೆ ಇರುವ ಪಾನೀಯಗಳು ಆಮ್ಲತೆ ಹೆಚ್ಚಿಸಲು ಪ್ರಮುಖ ಕಾರಣಗಳಾಗಿವೆ. ಇವು ಕೆಳ ಎಸೋಫೇಜಿಯಲ್ ಸ್ಫಿಂಕ್ಟರ್ (LES) ಅನ್ನು ಸಡಿಲಗೊಳಿಸಿ ಹೊಟ್ಟೆಯ ಆಮ್ಲ ಮೇಲಕ್ಕೆ ಬರಲು ಕಾರಣವಾಗುತ್ತವೆ ಎಂದು ಹೇಳುತ್ತಾರೆ.

ಆಮ್ಲತೆ ಸಮಸ್ಯೆಯನ್ನು ಕಡಿಮೆ ಮಾಡಲು ಅವರು ಸರಳವಾದ, ರುಚಿಯಾದ ಡೆಸರ್ಟ್‌ನ್ನು ಸಲಹೆ ನೀಡಿದ್ದಾರೆ — “ಮ್ಯಾಂಗೋ ನೈಸ್ ಕ್ರೀಮ್”.

ಇದನ್ನು ತಯಾರಿಸುವ ವಿಧಾನ:

ಫ್ರೀಜ್ ಮಾಡಿದ ಮಾವಿನಹಣ್ಣು ತುಂಡುಗಳು, ಫ್ರೀಜ್ ಮಾಡಿದ ಬಾಳೆಹಣ್ಣು, ಇವೆರಡನ್ನು ಮಿಕ್ಸರ್‌ನಲ್ಲಿ ರುಬ್ಬಿದರೆ ಸಾಕು, ಯಾವುದೇ ಹೆಚ್ಚುವರಿ ಸಕ್ಕರೆ ಅಥವಾ ಕ್ರೀಮ್ ಇಲ್ಲದೆ ತಯಾರಾಗುವ ಈ ಡೆಸರ್ಟ್ ಕಡಿಮೆ ಕ್ಯಾಲೊರಿ ಹೊಂದಿದ್ದು, ಹೊಟ್ಟೆಗೆ ಹಗುರವಾಗಿರುತ್ತದೆ. ಸಹಜ ಸಿಹಿ ಮತ್ತು ತಂಪು ಗುಣದಿಂದ ಆಮ್ಲತೆ ಲಕ್ಷಣಗಳನ್ನು ತಗ್ಗಿಸಲು ಸಹಕಾರಿ.

ಇದು ಏಕೆ ಇದು ಉತ್ತಮ?

ಕಡಿಮೆ ಕೊಬ್ಬು, ನೈಸರ್ಗಿಕ ಸಿಹಿ, ಜೀರ್ಣಕ್ಕೆ ಸುಲಭ, ಹೊಟ್ಟೆಯ ಉರಿಯನ್ನು ಕಡಿಮೆ ಮಾಡುವ ಗುಣ ಹೊಂದಿರುತ್ತದೆ. ಆಮ್ಲತೆ ಸಮಸ್ಯೆ ಇರುವವರು ಚಾಕೊಲೇಟ್ ಅಥವಾ ಸಕ್ಕರೆ ತುಂಬಿದ ಡೆಸರ್ಟ್‌ಗಳ ಬದಲು ಹಣ್ಣುಗಳಿಂದ ತಯಾರಿಸಿದ “ನೈಸ್ ಕ್ರೀಮ್” ಆಯ್ಕೆ ಮಾಡಿದರೆ ಆರೋಗ್ಯಕ್ಕೂ ಉತ್ತಮ, ರುಚಿಯೂ ಸಿಗುತ್ತದೆ.

Delicious low-calorie dessert for acidity problems: Expert advice – ತುಳುಟೈಮ್ಸ್

ಇದನ್ನೂ ಓದಿ :‘ಕೇರಳ’ಗೆ ‘ಕೇರಳಂ’ ಹೆಸರು : ಕೇಂದ್ರ ಸಚಿವ ಸಂಪುಟದಿಂದ ಅನುಮೋದನೆ

====

ವೀಡಿಯೋ ಸುದ್ದಿಗಳಿಗಾಗಿ ನಮ್ಮ ಯೂಟ್ಯೂಬ್ ಲಿಂಕ್ ಕ್ಲಿಕ್ ಮಾಡಿ :https://youtu.be/iuAFDtOkBKk?si=wLBYEm04_UgAdKNU