ಸಿಂಗಾಪುರದಲ್ಲಿ ವಲಸೆ ಕಾರ್ಮಿಕರಿಗಾಗಿ ಪೊಂಗಲ್ ಹಬ್ಬ ಆಚರಣೆ : ಭಾರತೀಯ ಹೈ ಕಮಿಷನ್ ಆಯೋಜನೆ

ಸಿಂಗಾಪುರ : Tulu Times l ಪೊಂಗಲ್ ತಮಿಳುನಾಡಿನ ಪ್ರಮುಖ ಕೊಯ್ಲು ಹಬ್ಬವಾಗಿದೆ. ಸೂರ್ಯ ದೇವರಿಗೆ ಕೃತಜ್ಞತೆ ಸಲ್ಲಿಸುವ ಈ ಹಬ್ಬವನ್ನು ನಾಲ್ಕು ದಿನಗಳ ಕಾಲ ಆಚರಿಸಲಾಗುತ್ತದೆ. ಹೊಸ ಅಕ್ಕಿಯಿಂದ ತಯಾರಿಸಿದ “ಪೊಂಗಲ್” ಅನ್ನವೇ ಈ ಹಬ್ಬದ ವಿಶೇಷ. ಕೃಷಿಕರ ಪರಿಶ್ರಮವನ್ನು ಗೌರವಿಸುವುದು ಇದರ ಮುಖ್ಯ ಉದ್ದೇಶ. ಹಾಗಾಗಿ, ಸಿಂಗಾಪುರದಲ್ಲಿನ ಭಾರತೀಯ ಹೈ ಕಮಿಷನ್, ಸುಮಾರು 1,500 ಭಾರತೀಯ ವಲಸೆ ಕಾರ್ಮಿಕರೊಂದಿಗೆ ಪ್ರಮುಖ ಕೊಯ್ಲು ಹಬ್ಬವಾದ ಪೊಂಗಲ್ ಅನ್ನು ದಿನವಿಡೀ ಆಚರಿಸಿರುವುದು ತಿಳಿದುಬಂದಿದೆ. 

ಭಾನುವಾರ (ಜನವರಿ 11) ನಡೆದ ಕಾರ್ಯಕ್ರಮದಲ್ಲಿ ಭಾರತದ ಹೈ ಕಮಿಷನರ್ ಡಾ. ಶಿಲ್ಪಕ್ ಅಂಬುಲೆ ಹಾಗೂ ಸಿಂಗಾಪುರ ಕಾರ್ಮಿಕ ಸಚಿವಾಲಯದ Assurance, Care and Engagement Group ಮುಖ್ಯಸ್ಥ ಟಂಗ್ ಯುಯಿ ಫೈ ಭಾಗವಹಿಸಿ, ಕಾರ್ಮಿಕರಿಗೆ ಹಬ್ಬದ ಶುಭಾಶಯಗಳನ್ನು ತಿಳಿಸಿದರು. ಈ ಕಾರ್ಯಕ್ರಮವು ಉತ್ತರ ಸಿಂಗಾಪುರದ ಕೈಗಾರಿಕಾ ಪ್ರದೇಶವಾದ ಸೆಂಬವಾಂಗ್ನಲ್ಲಿ ನಡೆಯಿತು.

50ಕ್ಕೂ ಹೆಚ್ಚು ಸ್ಥಳೀಯ ಕಲಾವಿದರು ವಲಸೆ ಕಾರ್ಮಿಕರೊಂದಿಗೆ ವೇದಿಕೆ ಹಂಚಿಕೊಂಡ ಕ್ಷಣ :

ಈ ಕಾರ್ಯಕ್ರಮವು ವಲಸೆ ಕಾರ್ಮಿಕರು, ಸಮುದಾಯದ ಸಹಭಾಗಿಗಳು ಮತ್ತು ಸ್ವಯಂಸೇವಕರನ್ನು ಒಟ್ಟುಗೂಡಿಸಿ, ಸಂಸ್ಕೃತಿಯ ಸಂಭ್ರಮವನ್ನು ಆಚರಿಸಲಾಗಿದೆ. 50ಕ್ಕೂ ಹೆಚ್ಚು ಸ್ಥಳೀಯ ಕಲಾವಿದರು ವಲಸೆ ಕಾರ್ಮಿಕರೊಂದಿಗೆ ವೇದಿಕೆ ಹಂಚಿಕೊಂಡು ನೃತ್ಯ-ಸಂಗೀತ ಪ್ರದರ್ಶನಗಳನ್ನು ನೀಡಿದರು. ಬಣ್ಣಬಣ್ಣದ ಸಾಂಸ್ಕೃತಿಕ ಕಾರ್ಯಕ್ರಮಗಳು ಭಾರತದ ಕೊಯ್ಲು ಹಬ್ಬಗಳ ಸೌಂದರ್ಯ ಮತ್ತು ಚೈತನ್ಯವನ್ನು ಪ್ರತಿಬಿಂಬಿಸಿತು. ಸಿಂಗಾಪುರದಲ್ಲಿ ಕಾರ್ಯನಿರ್ವಹಿಸುತ್ತಿರುವ ಹೆಚ್ಚಿನವರು ಭಾರತೀಯ ವೃತ್ತಿಪರರಾಗಿರುವ 110ಕ್ಕೂ ಹೆಚ್ಚು ಸ್ವಯಂಸೇವಕರು ಈ ಕಾರ್ಯಕ್ರಮವನ್ನು ಕಾರ್ಮಿಕರಿಗೆ ಮರೆಯಲಾಗದ ಅನುಭವವಾಗುವಂತೆ ರೂಪಿಸಲು ಸಹಾಯ ಮಾಡಿದರು. ನಿರ್ಮಾಣ, ಸಮುದ್ರಗಾಮಿ ಉದ್ಯಮಗಳು ಮತ್ತು ಗೃಹಸಹಾಯಕ ವೃತ್ತಿಯಲ್ಲಿ ಕೆಲಸ ಮಾಡುವ ಭಾರತೀಯ ಕಾರ್ಮಿಕರು ಇದರಿಂದ ವಿಶೇಷ ಸಂತೋಷ ಪಡೆದರು ಎನ್ನಲಾಗಿದೆ.

ಭಾರತೀಯ ಹೈ ಕಮಿಷನ್ ಆಯೋಜಿಸಿದ ಈ ಪೊಂಗಲ್ ಸಂಭ್ರಮವು ಎರಡನೇ ಆವೃತ್ತಿ ;

ಭಾನುವಾರದ ಸಂಜೆಯ ಕಾರ್ಯಕ್ರಮದಲ್ಲಿ ಸಂಗೀತ, ಪಾರಂಪರಿಕ ನೃತ್ಯ-ಕಲಾ ಪ್ರದರ್ಶನಗಳು, ಯೋಗ ಮತ್ತು ಧ್ಯಾನ ಶಿಬಿರಗಳು ಹಾಗೂ ಭಾರತದ ಸಮೃದ್ಧ ವಸ್ತ್ರ ಪರಂಪರೆ ಮತ್ತು ಹಬ್ಬದ ಸಂಪ್ರದಾಯಗಳನ್ನು ತೋರಿಸುವ ಫ್ಯಾಷನ್ ಪ್ರದರ್ಶನ ಕೂಡ ಆಯೋಜಿಸಲಾಗಿತ್ತು. ಭಾರತೀಯ ಹೈ ಕಮಿಷನ್ ಆಯೋಜಿಸಿದ ಈ ಪೊಂಗಲ್ ಸಂಭ್ರಮವು ಎರಡನೇ ಆವೃತ್ತಿ ಆಗಿದ್ದು, ಶನಿವಾರ (ಜನವರಿ 10) ನಡೆದ ಸಿಂಗಪುರ ಇಂಡಿಯನ್ ಹೆರಿಟೇಜ್ ಸೆಂಟರ್‌ನ ಪೊಂಗಲ್ ಕಾರ್ಯಕ್ರಮಗಳ ಭಾಗವೂ ಆಗಿತ್ತು. ಅಲ್ಲಿ ಭಾಗವಹಿಸಿದವರಿಗೆ ದಕ್ಷಿಣ ಭಾರತದ ಪ್ರಸಿದ್ಧ ತಂಜಾವೂರು (ತಂಜೋರ್) ಚಿತ್ರಕಲೆ ಕಲಿಯಲು ಅವಕಾಶ ನೀಡಲಾಗಿತ್ತು. ಈ ಕಲೆಯಲ್ಲಿ ತಮ್ಮದೇ ಕಲಾಕೃತಿಗಳನ್ನು ರಚಿಸುವ ತಂತ್ರಗಳನ್ನು ಕಲಿಸಲಾಯಿತು.

ಇದನ್ನೂ ಓದಿ :ಬೆಳ್ತಂಗಡಿ: ಸಕಲೇಶಪುರದ ಯುವಕ ನೇತ್ರಾವತಿ ನದಿಯಲ್ಲಿ ಶವವಾಗಿ ಪತ್ತೆ!

===

ವೀಡಿಯೋ ಸುದ್ದಿಗಳಿಗಾಗಿ ನಮ್ಮ ಯೂಟ್ಯೂಬ್ ಲಿಂಕ್ ಕ್ಲಿಕ್ ಮಾಡಿ :https://youtu.be/SDL5CAMpIQ0?si=DKZVSX9jYNAJEPz8