ಕರ್ನಾಟಕ : Tulu Times l ದಕ್ಷಿಣಕನ್ನಡದ ಗಡಿಭಾಗದ ಕೆಲ ಸಮುದಾಯದ ಜನರು ಆಚರಿಸಲಾಗುವ ಪ್ರಮುಖ ಹಬ್ಬಗಳಲ್ಲಿ ಬಿಸು ಹಬ್ಬ ಕೂಡಾ ಒಂದು. ಇದು ಹೊಸ ವರ್ಷದ ಆರಂಭವನ್ನು ಸೂಚಿಸುವ ಹಬ್ಬವಾಗಿದ್ದು, ಸಂತೋಷ, ಸಮೃದ್ಧಿ ಮತ್ತು ಹೊಸ ಆಶೆಗಳ ಸಂಕೇತವಾಗಿದೆ.
ಬಿಸು ಹಬ್ಬವನ್ನು ಸಾಮಾನ್ಯವಾಗಿ ಏಪ್ರಿಲ್ ತಿಂಗಳಲ್ಲಿ ಆಚರಿಸಲಾಗುತ್ತದೆ. ಈ ದಿನವನ್ನು ತುಳುನಾಡಿನ ಜನರು ಹೊಸ ವರ್ಷದ ಪ್ರಾರಂಭವಾಗಿ ಪರಿಗಣಿಸುತ್ತಾರೆ. ಪ್ರಕೃತಿ ಪುನರುಜ್ಜೀವನಗೊಳ್ಳುವ ಈ ಸಮಯದಲ್ಲಿ ಹಬ್ಬ ಆಚರಿಸುವುದು, ಹೊಸ ಆರಂಭದ ಸಂಕೇತವಾಗಿದೆ.
ಬಿಸು ಹಬ್ಬದ ಪ್ರಮುಖ ಆಚರಣೆಗಳಲ್ಲಿ “ಬಿಸು ಕಣಿ” ವಿಶೇಷ ಸ್ಥಾನ ಹೊಂದಿದೆ. ಬೆಳಗ್ಗೆ ಎದ್ದ ಕೂಡಲೇ ದೇವರ ಮುಂದೆ ಅಲಂಕರಿಸಿದ ಹಣ್ಣು, ಹೂವು, ಅಕ್ಕಿ, ಹಣ ಇತ್ಯಾದಿಗಳನ್ನು ನೋಡುವ ಪದ್ಧತಿ ಇದೆ. ಇದು ವರ್ಷದ ಮೊದಲ ದೃಶ್ಯವಾಗಿದ್ದು, ಸಮೃದ್ಧಿಯ ಸಂಕೇತವೆಂದು ನಂಬಲಾಗುತ್ತದೆ.
ಮನೆಯಲ್ಲಿ ಪೂಜೆ ಸಲ್ಲಿಸಿ, ದೇವರಿಗೆ ನೈವೇದ್ಯ ಅರ್ಪಿಸಿ, ಕುಟುಂಬದವರು ಒಟ್ಟಾಗಿ ಹಬ್ಬವನ್ನು ಆಚರಿಸುತ್ತಾರೆ. ಹಿರಿಯರು ಕಿರಿಯರಿಗೆ ಆಶೀರ್ವಾದ ನೀಡುವುದು ಈ ಹಬ್ಬದ ಇನ್ನೊಂದು ಪ್ರಮುಖ ಭಾಗವಾಗಿದೆ.
ಬಿಸು ಕಣಿಯನ್ನು ವಿಶೇಷವಾಗಿ ನಮ್ಮ ಸುತ್ತಮುತ್ತಲಿನ ಬೆಳೆಸಿದ ಫಲ ವಸ್ತುಗಳನ್ನು ದೇವರ ಕೋಣೆಯಲ್ಲಿ, ದೇವಸ್ಥಾನ ಹಾಗೂ ದೈವಸ್ಥಾನದಲ್ಲಿಯೂ ಇಡುವ ಪದ್ಧತಿ. ಬಿಸು ಹಬ್ಬ ಕೇವಲ ಧಾರ್ಮಿಕ ಆಚರಣೆಯಲ್ಲ, ಇದು ಕುಟುಂಬ ಮತ್ತು ಸಮಾಜವನ್ನು ಒಗ್ಗೂಡಿಸುವ ಹಬ್ಬವಾಗಿದೆ. ಬಂಧುಬಳಗ ಮತ್ತು ಸ್ನೇಹಿತರೊಂದಿಗೆ ಸಂತೋಷ ಹಂಚಿಕೊಳ್ಳುವ ಮೂಲಕ ಸಾಮಾಜಿಕ ಬಾಂಧವ್ಯ ಬಲವಾಗುತ್ತದೆ.
ಬಿಸು ಹಬ್ಬವು ತುಳುನಾಡಿನ ಸಂಸ್ಕೃತಿ, ಪರಂಪರೆ ಮತ್ತು ಜೀವನಶೈಲಿಯನ್ನು ಪ್ರತಿಬಿಂಬಿಸುವ ವಿಶಿಷ್ಟ ಹಬ್ಬವಾಗಿದೆ. ಹೊಸ ವರ್ಷವನ್ನು ಸ್ವಾಗತಿಸುವ ಈ ಸಂಭ್ರಮ, ಜನರಲ್ಲಿ ಹೊಸ ಆಶೆಗಳು ಮತ್ತು ಉತ್ಸಾಹವನ್ನು ಮೂಡಿಸುತ್ತದೆ. ಸಂಸ್ಕೃತಿಯ ವೈಭವವನ್ನು ಉಳಿಸಿಕೊಂಡು ಮುಂದಿನ ತಲೆಮಾರಿಗೆ ಪಸರಿಸುವಲ್ಲಿ ಬಿಸು ಹಬ್ಬದ ಪಾತ್ರ ಮಹತ್ವದ್ದಾಗಿದೆ.
Bisu Festival: A unique festival that reflects the lifestyle – ತುಳುಟೈಮ್ಸ್
ಇದನ್ನೂ ಓದಿ :ಕರಾಯ ಬ್ರಹ್ಮಕಲಶ ಇಂದಿನ (ಏ. 15) ಕಾರ್ಯಕ್ರಮಗಳು
====
ವೀಡಿಯೋ ಸುದ್ದಿಗಳಿಗಾಗಿ ನಮ್ಮ ಯೂಟ್ಯೂಬ್ ಲಿಂಕ್ ಕ್ಲಿಕ್ ಮಾಡಿ :https://www.youtube.com/live/oibSZrXlfCM?si=6XnuADgLxBChkPV1
