ಬೆಂಗಳೂರು : Tulu Times | ವಿವಾಹ ವೆಬ್ಸೈಟ್ನಲ್ಲಿ ಜೀವನ ಸಂಗಾತಿಯನ್ನು ಹುಡುಕುವ ಸರಳ ಆಶೆಯಿಂದ ಆರಂಭವಾದುದು, ಬೆಂಗಳೂರು ಮೂಲದ 29 ವರ್ಷದ ಸಾಫ್ಟ್ವೇರ್ ಎಂಜಿನಿಯರ್ ಯುವತಿಗೆ ಭಾರೀ ಆರ್ಥಿಕ ಹಾಗೂ ಮಾನಸಿಕ ಆಘಾತವಾಗಿ ಪರಿಣಮಿಸಿದೆ. ವರದಿಗಳ ಪ್ರಕಾರ, ವೈಟ್ಫೀಲ್ಡ್ ನಿವಾಸಿ ನವ್ಯಾ ಶ್ರೀ ಅವರು, ಶ್ರೀಮಂತ ಉದ್ಯಮಿ ಎಂದು ನಟಿಸಿ ಮದುವೆಯ ಭರವಸೆ ನೀಡಿದ ವ್ಯಕ್ತಿಯೊಬ್ಬರು ತಮಗಿಂದ ಮತ್ತು ತಮ್ಮ ಕುಟುಂಬದಿಂದ ಒಟ್ಟು ರೂ.1.52 ಕೋಟಿಗೂ ಹೆಚ್ಚು ಹಣವನ್ನು ವಂಚನೆ ಮಾಡಿರುವುದಾಗಿ ಆರೋಪಿಸಿದ್ದಾರೆ. ಪೊಲೀಸರು ಇದನ್ನು ಸುಸೂತ್ರವಾಗಿ ರೂಪಿಸಿದ ವಿವಾಹ ಹೂಡಿಕೆಯ ವಂಚನೆ ಎಂದು ಹೇಳಿದ್ದಾರೆ.
ಸದಾಶಿವನಗರದಲ್ಲಿ ದುಬಾರಿ ಮನೆಗಳಿವೆ ;
ಎನ್ಡಿಟಿವಿ ವರದಿ ಪ್ರಕಾರ, 2024ರ ಮಾರ್ಚ್ನಲ್ಲಿ ನವ್ಯಾ ಶ್ರೀ ಅವರು ಒಕ್ಕಲಿಗ ಮ್ಯಾಟ್ರಿಮೊನಿ ಪ್ಲಾಟ್ಫಾರ್ಮ್ ಮೂಲಕ ವಿಜಯ್ ರಾಜ್ ಗೌಡ (ವಿಜೇತ್ ಬಿ ಎಂದು ಕೂಡ ಪರಿಚಿತ) ಎಂಬ ವ್ಯಕ್ತಿಯನ್ನು ಪರಿಚಯ ಮಾಡಿಕೊಂಡರು. ವಿಜಯ್ ತನ್ನನ್ನು VRG ಎಂಟರ್ಪ್ರೈಸಸ್ ಎಂಬ ಕಂಪನಿಯ ಮಾಲೀಕ ಎಂದು ಪರಿಚಯಿಸಿಕೊಂಡು, ಕ್ರಷರ್ಗಳು, ಲಾರಿಗಳು, ಜಮೀನುಗಳು ಹಾಗೂ ರಾಜಾಜಿನಗರ ಮತ್ತು ಸದಾಶಿವನಗರದಲ್ಲಿ ದುಬಾರಿ ಮನೆಗಳಿವೆ ಎಂದು ಹೇಳಿಕೊಂಡಿದ್ದಾನೆ.
ತನ್ನ ನಂಬಿಕೆಯನ್ನು ಹೆಚ್ಚಿಸಲು, 2019ರ ಜಾರಿ ನಿರ್ದೇಶನಾಲಯ (ED) ಪ್ರಕರಣಕ್ಕೆ ಸಂಬಂಧಿಸಿದ ಜಾಮೀನು ಆದೇಶದ ಪ್ರತಿಯೊಂದನ್ನು ತೋರಿಸಿ, ತನ್ನ ಆಸ್ತಿ ಮೌಲ್ಯ ಸುಮಾರು ₹715 ಕೋಟಿ ಎಂದು ಹೇಳಿಕೊಂಡಿದ್ದಾನೆ. ಈ ದಾಖಲೆಗಳು ಮತ್ತು ಹೇಳಿಕೆಗಳು ನವ್ಯಾ ಹಾಗೂ ಅವರ ಕುಟುಂಬದ ವಿಶ್ವಾಸ ಗಳಿಸಲು ನೆರವಾಯಿತು ಎಂದು ಪೊಲೀಸರು ತಿಳಿಸಿದ್ದಾರೆ. ವಿಜಯ್ ತಾನು ನವ್ಯಾರನ್ನು ಮದುವೆಯಾಗಲು ನಿರ್ಧರಿಸಿದ್ದೇನೆ ಮತ್ತು ಈ ಸಂಬಂಧವನ್ನು ತನ್ನ ಕುಟುಂಬಕ್ಕೂ ತಿಳಿಸಿದ್ದೇನೆ ಎಂದು ಹೇಳಿದ್ದಾನೆ.
ನಂತರ, ಮೊದಲ ಬಾರಿ ಹಣ ಕೇಳಿದ್ದು ಏಪ್ರಿಲ್ 4ರಂದು. ಬ್ಯಾಂಕ್ ಸಮಸ್ಯೆ ಇದೆ ಎಂದು ಹೇಳಿ ವಿಜಯ್ ₹15,000ನ್ನು ಫೋನ್ಪೇ ಮೂಲಕ ಸಾಲವಾಗಿ ಪಡೆದಿದ್ದಾನೆ. ನಂತರ, ಒಟ್ಟಿಗೆ ವ್ಯವಹಾರ ಆರಂಭಿಸೋಣ ಎಂದು ನಂಬಿಸಿ, ನವ್ಯಾಳನ್ನು ಸಾಲ ತೆಗೆದುಕೊಳ್ಳುವಂತೆ ಹಾಗೂ ಸ್ನೇಹಿತರಿಂದ ಹಣ ಸಂಗ್ರಹಿಸುವಂತೆ ಪ್ರೇರೇಪಿಸಿದ್ದಾನೆ. ಕೆಂಗೇರಿ ಮೆಟ್ರೋ ನಿಲ್ದಾಣದಲ್ಲಿ ತನ್ನ ಕುಟುಂಬದವರನ್ನು ಪರಿಚಯಿಸಿ, ತಂದೆ ಕೃಷ್ಣಪ್ಪ ಬಿ ಗೌಡ ನಿವೃತ್ತ ತಹಶೀಲ್ದಾರ್ ಎಂದು ಹೇಳಿಕೊಂಡ ವ್ಯಕ್ತಿ – VRG ಎಂಟರ್ಪ್ರೈಸಸ್ ಹೆಸರಿನಲ್ಲಿ ಚೆಕ್ಗಳನ್ನು ನೀಡಿ ಹಣ ಮರುಪಾವತಿ ಭರವಸೆ ನೀಡಿದ್ದಾನೆ ಎನ್ನಲಾಗಿದೆ.
ಎಫ್ಐಆರ್ ಪ್ರಕಾರ, ನವ್ಯಾಳ ಸ್ನೇಹಿತರೂ ಈ ವಂಚನೆಗೆ ಸಿಲುಕಿದ್ದು, ಒಟ್ಟು ₹66 ಲಕ್ಷ ಮತ್ತು ₹23 ಲಕ್ಷ ಹೂಡಿಕೆ ಮಾಡಿದ್ದಾರೆ. ಹಣ ಹಿಂದಿರುಗಿಸಲು ಒತ್ತಾಯಿಸಿದಾಗ, ವಿಜಯ್ ತನ್ನ ಬ್ಯಾಂಕ್ ಖಾತೆಗಳು ನ್ಯಾಯಾಲಯದ ಪ್ರಕರಣಗಳಿಂದ ಫ್ರೀಜ್ ಆಗಿವೆ ಎಂದು ಹೇಳಿ, ಕಾನೂನು ಆದೇಶಗಳ ಪ್ರತಿಗಳನ್ನು ತೋರಿಸಿದ್ದಾನೆ. ನಂತರ ಈ ದಾಖಲೆಗಳನ್ನು ನವ್ಯಾಳ ಪೋಷಕರಿಗೂ ತೋರಿಸಿ, ಅವರಿಂದಲೂ ಹಣಕಾಸು ನೆರವು ಪಡೆಯುವಂತೆ ಮನವೊಲಿಸಿದ್ದಾನೆ. ಈ ರೀತಿಯಾಗಿ ಮೋಸದ ಬಲೆಗೆ ಬೀಳಿಸಿ ಮ್ಯಾಟ್ರಿಮೊನಿಯಲ್ ನಲ್ಲಿ ಹೀಗೂ ಕೂಡಾ ಮೋಸ ಮಾಡ್ಬೋದು ಅನ್ನೋದಕ್ಕೆ ಈ ಘಟನೆ ಸಾಕ್ಷಿಯಾಗಿದೆ.
Matrimonial fraud of Rs. 1.5 crores due to dream of marriage – ತುಳು ಟೈಮ್ಸ್
ಇದನ್ನೂ ಓದಿ : ಕರಾವಳಿಯಲ್ಲಿ ಸುಸಜ್ಜಿತ ಸ್ಟುಡಿಯೋ ರೆಡಿ ಆಗುತ್ತೆ: ರಾಜ್ ಬಿ. ಶೆಟ್ಟಿ!
=====
ವೀಡಿಯೋ ಸುದ್ದಿಗಳಿಗಾಗಿ ನಮ್ಮ ಯೂಟ್ಯೂಬ್ ಲಿಂಕ್ ಕ್ಲಿಕ್ ಮಾಡಿ :https://www.youtube.com/live/XyP1Yl5GcG0?si=_SJWmeFra8tQb4en
