ಉಡುಪಿ : Tulu Times | ಉನ್ನತ ಮಟ್ಟದ ಲಿವರ್ ಚಿಕಿತ್ಸೆಯನ್ನು ಜನರಿಗೆ ಸಮೀಪದಲ್ಲೇ ಲಭ್ಯವಾಗಿಸುವ ಉದ್ದೇಶದಿಂದ, ಮಣಿಪಾಲದ ಕಸ್ತೂರಬಾ ಆಸ್ಪತ್ರೆಯಲ್ಲಿ ಫೆಬ್ರವರಿ 3ರಂದು (ಮಂಗಳವಾರ) ಬೆಳಿಗ್ಗೆ 10ರಿಂದ ಸಂಜೆ 4ರವರೆಗೆ ಮುಂದಿನ ಸಮಗ್ರ ಲಿವರ್ ಮತ್ತು ಟ್ರಾನ್ಸ್ಪ್ಲಾಂಟ್ ಕ್ಲಿನಿಕ್ನ್ನು ಆಯೋಜಿಸಲಾಗಿದೆ. ಈ ಕ್ಲಿನಿಕ್ ಪ್ರತಿ ತಿಂಗಳ ಮೊದಲ ಮಂಗಳವಾರ ನಡೆಯಲಿದೆ.
ಈ ಕ್ಲಿನಿಕ್ ಮೂಲಕ ವಿಶೇಷ ಲಿವರ್ ಹಾಗೂ ಅಂಗಾಂತ್ಯ ಪ್ರತಿರೋಪಣ (ಟ್ರಾನ್ಸ್ಪ್ಲಾಂಟ್) ಸೇವೆಗಳು ಲಭ್ಯವಾಗಲಿದ್ದು, ರೋಗಿಗಳಲ್ಲಿ ಲಿವರ್ ಸಮಸ್ಯೆಗಳನ್ನು ಆರಂಭಿಕ ಹಂತದಲ್ಲೇ ಗುರುತಿಸುವುದು, ತಜ್ಞರ ಪರಿಶೀಲನೆ ಹಾಗೂ ನಿರಂತರ ಚಿಕಿತ್ಸೆ ದೊರೆಯಲಿದೆ. ದೂರದ ನಗರಗಳಿಗೆ ಪ್ರಯಾಣಿಸುವ ಅಗತ್ಯವಿಲ್ಲದೆ ಚಿಕಿತ್ಸೆ ಪಡೆಯಲು ಇದು ಸಹಕಾರಿಯಾಗಲಿದೆ. ಕಳೆದ ತಿಂಗಳು ಮಣಿಪಾಲದಲ್ಲಿ ಈ ಕ್ಲಿನಿಕ್ ಯಶಸ್ವಿಯಾಗಿ ಆರಂಭಗೊಂಡಿತ್ತು.
ಕ್ಲಿನಿಕ್ನ್ನು ಬೆಂಗಳೂರಿನ ಓಲ್ಡ್ ಏರ್ಪೋರ್ಟ್ ರಸ್ತೆಯ ಮಣಿಪಾಲ ಆಸ್ಪತ್ರೆಯ ಲೀಡ್ ಕನ್ಸಲ್ಟೆಂಟ್ ಡಾ. ಜಯಂತ್ ರೆಡ್ಡಿ (HPB, ಲಿವರ್ ಮತ್ತು ಪ್ಯಾಂಕ್ರಿಯಾಸ್ ಟ್ರಾನ್ಸ್ಪ್ಲಾಂಟ್) ಹಾಗೂ ಕನ್ಸಲ್ಟೆಂಟ್ ಡಾ. ದೀಪ್ತಿ ರಾಮಚಂದ್ರ ಅವರು ಮುನ್ನಡೆಸಲಿದ್ದಾರೆ. ಇವರೊಂದಿಗೆ ಕಸ್ತೂರಬಾ ಆಸ್ಪತ್ರೆ ಮಣಿಪಾಲದ ಗ್ಯಾಸ್ಟ್ರೋಎಂಟರಾಲಜಿ ವಿಭಾಗದ ಮುಖ್ಯಸ್ಥ ಡಾ. ಗಣೇಶ್ ಭಟ್ ಹಾಗೂ ಪ್ರಾಧ್ಯಾಪಕ ಮತ್ತು ಘಟಕ ಮುಖ್ಯಸ್ಥ ಡಾ. ಶಿರಾನ್ ಶೆಟ್ಟಿ ಸಹಕಾರ ನೀಡಲಿದ್ದಾರೆ.
ತೀವ್ರ ಹಾಗೂ ದೀರ್ಘಕಾಲೀನ ಲಿವರ್ ರೋಗಗಳು, ಫ್ಯಾಟಿ ಲಿವರ್, ಲಿವರ್ ಸಿರೋಸಿಸ್ ಹಾಗೂ ಅದರ ಸಂಕೀರ್ಣತೆಗಳು, ಲಿವರ್ ಗಡ್ಡೆಗಳು ಮತ್ತು ಕ್ಯಾನ್ಸರ್, ಹೆಪಾಟೋ-ರೀನಲ್ ಸಿಂಡ್ರೋಮ್, ಮಕ್ಕಳ ಲಿವರ್ ಸಮಸ್ಯೆಗಳು ಹಾಗೂ ಟ್ರಾನ್ಸ್ಪ್ಲಾಂಟ್ ಪೂರ್ವ ಮತ್ತು ನಂತರದ ಮೌಲ್ಯಮಾಪನ ಸೇವೆಗಳು ಇಲ್ಲಿ ಲಭ್ಯವಿರುತ್ತವೆ. ಈ ಉಪಕ್ರಮದೊಂದಿಗೆ ಕಸ್ತೂರಬಾ ಆಸ್ಪತ್ರೆ, ಮಣಿಪಾಲವು ಕರಾವಳಿ ಕರ್ನಾಟಕ ಹಾಗೂ ಪಕ್ಕದ ಪ್ರದೇಶಗಳ ರೋಗಿಗಳಿಗೆ ಉನ್ನತ ಮಟ್ಟದ ಮತ್ತು ಕೈಗೆಟುಕುವ ಲಿವರ್ ಚಿಕಿತ್ಸೆಯನ್ನು ಒದಗಿಸುವ ವಿಶ್ವಾಸಾರ್ಹ ಪ್ರಾದೇಶಿಕ ರೆಫರಲ್ ಕೇಂದ್ರವಾಗಿ ತನ್ನ ಪಾತ್ರವನ್ನು ಮತ್ತಷ್ಟು ಬಲಪಡಿಸುತ್ತಿದೆ. ಮುಂಗಡ ನೇಮಕಾತಿ ಕಡ್ಡಾಯವಾಗಿದ್ದು, ನೇಮಕಾತಿ ಮತ್ತು ಮಾಹಿತಿಗಾಗಿ: 6364469750 ಗೆ ಕರೆಮಾಡಿ ಅಥವಾ www.khmanipal.com ಗೆ ಭೇಟಿ ನೀಡಿ ಎಂಬುವುದಾಗಿ ತಿಳಿಸಲಾಗಿದೆ.
Liver and Transplant Clinic at Kasturba Hospital Manipal on Feb. 3 – ತುಳು ಟೈಮ್ಸ್
ಇದನ್ನೂ ಓದಿ : ಬಿಕ್ಷುಕರಿಗೂ ಬೇಡವಾಯ್ತು ಅನ್ನದ ಅಕ್ಕಿ,ಅನ್ನಭಾಗ್ಯ ಯೋಜನೆ ಎಫೆಕ್ಟ್!
======
ವೀಡಿಯೋ ಸುದ್ದಿಗಳಿಗಾಗಿ ನಮ್ಮ ಯೂಟ್ಯೂಬ್ ಲಿಂಕ್ ಕ್ಲಿಕ್ ಮಾಡಿ :https://youtu.be/yx1fqcpWfnc?si=hpij495tpOn7uys6
