ಆರೋಗ್ಯ : Tulu Times l ಮಾನವ ದೇಹದ ಸಮರ್ಪಕ ಕಾರ್ಯನಿರ್ವಹಣೆಗೆ ಐರನ್ ಅತೀ ಮುಖ್ಯವಾದ ಪೋಷಕಾಂಶವಾಗಿದೆ. ಇದು ಹಿಮೋಗ್ಲೋಬಿನ್ ಉತ್ಪಾದನೆಯಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ಹಿಮೋಗ್ಲೋಬಿನ್ ಎನ್ನುವುದು ರಕ್ತದ ಕೆಂಪು ಕಣಗಳಲ್ಲಿ ಇರುವ ಪ್ರೋಟೀನ್ ಆಗಿದ್ದು, ದೇಹದ ಎಲ್ಲಾ ಭಾಗಗಳಿಗೆ ಆಮ್ಲಜನಕವನ್ನು ಸಾಗಿಸುವ ಕೆಲಸ ಮಾಡುತ್ತದೆ. ಆದ್ದರಿಂದ, ದೇಹದಲ್ಲಿ ಐರನ್ ಪ್ರಮಾಣ ಕಡಿಮೆಯಾದಾಗ, ಆಮ್ಲಜನಕ ಪೂರೈಕೆ ಸಮರ್ಪಕವಾಗುವುದಿಲ್ಲ ಮತ್ತು ಹಲವು ಆರೋಗ್ಯ ಸಮಸ್ಯೆಗಳು ಕಾಣಿಸಿಕೊಳ್ಳುತ್ತವೆ.
ಐರನ್ ಕೊರತೆಯ ಲಕ್ಷಣಗಳು;
ಐರನ್ ಕೊರತೆಯನ್ನು ಹಲವಾರು ಬಾರಿ ಸಾಮಾನ್ಯ ದಣಿವಿನಂತೆ ಕಾಣಬಹುದು. ಆದರೆ ಅದರ ಪರಿಣಾಮಗಳು ಅದಕ್ಕಿಂತ ಗಂಭೀರವಾಗಿರುತ್ತವೆ. ಸಾಮಾನ್ಯವಾಗಿ ನಿರಂತರ ದಣಿವು ಮತ್ತು ಶಕ್ತಿಯ ಕೊರತೆ, ತಲೆನೋವು ಮತ್ತು ತಲೆಸುತ್ತು, ಸ್ವಲ್ಪ ಕೆಲಸಕ್ಕೂ ಉಸಿರಾಟದ ತೊಂದರೆ, ಗಮನ ಕೇಂದ್ರೀಕರಿಸಲು ಕಷ್ಟ, ಚರ್ಮವು ಬಿಳಿಯಾಗುವುದು ಮತ್ತು ದುರ್ಬಲತೆ ಇತ್ಯಾದಿ ಈ ಲಕ್ಷಣಗಳನ್ನು ಅನೇಕರು ಕಡೆಗಣಿಸುತ್ತಾರೆ. ಆದರೆ ಇವು ದೇಹದಲ್ಲಿ ಐರನ್ ಕೊರತೆಯ ಪ್ರಮುಖ ಸೂಚನೆಗಳಾಗಿವೆ.
ಭಾರತದಲ್ಲಿ ಸಮಸ್ಯೆಯ ವ್ಯಾಪ್ತಿ
ರಾಷ್ಟ್ರೀಯ ಕುಟುಂಬ ಆರೋಗ್ಯ ಸಮೀಕ್ಷೆಯ ವರದಿ ಪ್ರಕಾರ, ಭಾರತದಲ್ಲಿ 50% ಕ್ಕಿಂತ ಹೆಚ್ಚು ಮಹಿಳೆಯರಲ್ಲಿ ಹೀಮೋಗ್ಲೋಬಿನ್ ಪ್ರಮಾಣ ಕಡಿಮೆಯಿದೆ. ಇದು ದೇಶದಲ್ಲಿ ಐರನ್ ಕೊರತೆಯ ಗಂಭೀರತೆಯನ್ನು ತೋರಿಸುತ್ತದೆ. ವಿಶೇಷವಾಗಿ ಮಹಿಳೆಯರು, ಗರ್ಭಿಣಿಯರು ಮತ್ತು ಮಕ್ಕಳಲ್ಲಿ ಈ ಸಮಸ್ಯೆ ಹೆಚ್ಚಾಗಿ ಕಂಡುಬರುತ್ತದೆ.
ಹೆಚ್ಚಾಗಿ ಜನರು ಅನೀಮಿಯಾ (ರಕ್ತಹೀನತೆ) ಗಂಭೀರವಾದಾಗ ಮಾತ್ರ ಗಮನ ಕೊಡುತ್ತಾರೆ. ಆದರೆ ಸಣ್ಣ ಮಟ್ಟದ ಐರನ್ ಕೊರತೆಯೂ ದೇಹದ ಶಕ್ತಿಯನ್ನು ಕುಗ್ಗಿಸಬಹುದು. ದೈನಂದಿನ ಕೆಲಸಗಳಲ್ಲಿ ಆಸಕ್ತಿ ಕಡಿಮೆಯಾಗುವುದು, ಏಕಾಗ್ರತೆಯ ಕೊರತೆ ಮತ್ತು ದಣಿವು ಹೆಚ್ಚಾಗುವುದು ಇವುಗಳ ಪರಿಣಾಮವಾಗಿದೆ.
ಐರನ್ ಕೊರತೆಯನ್ನು ತಡೆಗಟ್ಟಲು ಸರಿಯಾದ ಆಹಾರ ಪದ್ಧತಿ ಬಹಳ ಮುಖ್ಯ:
ಪಾಲಕ್ ಸೊಪ್ಪು, ಹಸಿರು ತರಕಾರಿಗಳು, ಕಡಲೆ, ಹುರಳಿ, ಬೆಲ್ಲ, ಒಣಹಣ್ಣುಗಳು, ಮಾಂಸಾಹಾರ ಸೇವಿಸುವವರು ಮಾಂಸ, ಮೀನು, ಇದರ ಜೊತೆಗೆ, ವಿಟಮಿನ್ ಸಿ ಇರುವ ಆಹಾರಗಳನ್ನು (ಹಣ್ಣುಗಳು) ಸೇರಿಸಿಕೊಂಡರೆ ಐರನ್ ಉತ್ತಮವಾಗುತ್ತದೆ.
ಈ ಎಲ್ಲಾ ಕಾರಣದಿಂದ, ಐರನ್ ಕೊರತೆ ಒಂದು ಸಾಮಾನ್ಯ ಸಮಸ್ಯೆಯಾದರೂ, ಅದನ್ನು ನಿರ್ಲಕ್ಷಿಸಿದರೆ ಗಂಭೀರ ಪರಿಣಾಮಗಳನ್ನು ಉಂಟುಮಾಡಬಹುದು. ಆದ್ದರಿಂದ ದೇಹದ ಸಣ್ಣ ಬದಲಾವಣೆಗಳನ್ನೂ ಗಮನಿಸಿ, ಸಮತೋಲನವಾದ ಆಹಾರ ಮತ್ತು ಅಗತ್ಯವಿದ್ದರೆ ವೈದ್ಯಕೀಯ ಸಲಹೆ ಪಡೆದು ಆರೋಗ್ಯ ಕಾಪಾಡಿಕೊಳ್ಳುವುದು ಅತ್ಯಗತ್ಯ.
Don’t ignore iron deficiency: Low hemoglobin levels in women – ತುಳುಟೈಮ್ಸ್
ಇದನ್ನೂ ಓದಿ :ಕರ್ನಾಟಕದಲ್ಲಿ ಟ್ರೆಕ್ಕಿಂಗ್ ಸುರಕ್ಷತೆಗೆ ಹೊಸ ಯೋಜನೆ: ಟ್ರ್ಯಾಕಿಂಗ್ ಆಪ್ ಮತ್ತು ಇನ್ಸುರನ್ಸ್ ಕಡ್ಡಾಯಕ್ಕೆ ಸಿದ್ಧತೆ
====
ವೀಡಿಯೋ ಸುದ್ದಿಗಳಿಗಾಗಿ ನಮ್ಮ ಯೂಟ್ಯೂಬ್ ಲಿಂಕ್ ಕ್ಲಿಕ್ ಮಾಡಿ :https://youtu.be/Rbe3FHAhoVM?si=83PRgU7G8QfgDCyw
