ಕರ್ನಾಟಕ : Tulu Times l ಬೆಂಗಳೂರಿನಲ್ಲಿ ಎಲ್ಪಿಜಿ ಸರಬರಾಜಿನಲ್ಲಿ ಉಂಟಾದ ಅಡಚಣೆ ಹಿನ್ನೆಲೆ, ಹಲವರು ಇಂಡಕ್ಷನ್ ಸ್ಟವ್ ಬಳಕೆಯತ್ತ ಮುಖ ಮಾಡುತ್ತಿದ್ದಾರೆ. ಪಶ್ಚಿಮ ಏಷ್ಯಾದಲ್ಲಿ ನಡೆಯುತ್ತಿರುವ ಸಂಘರ್ಷದ ಪರಿಣಾಮ ಜಾಗತಿಕ ಮಟ್ಟದಲ್ಲಿ ಎಲ್ಪಿಜಿ ಸರಬರಾಜು ವ್ಯತ್ಯಯಗೊಂಡಿದ್ದು, ಇದು ನಗರ ಜೀವನಕ್ಕೂ ಪರಿಣಾಮ ಬೀರಿದೆ.
ಈ ಹಿನ್ನೆಲೆಯಲ್ಲಿ ಬೆಂಗಳೂರು ವಿದ್ಯುತ್ ಸರಬರಾಜು ಕಂಪನಿ ಗ್ರಾಹಕರ ಸುರಕ್ಷತೆಯನ್ನು ಗಮನದಲ್ಲಿಟ್ಟುಕೊಂಡು ಇಂಡಕ್ಷನ್ ಸ್ಟವ್ ಬಳಕೆಗಾಗಿ ಪ್ರಮುಖ ಮಾರ್ಗಸೂಚಿಗಳನ್ನು ಪ್ರಕಟಿಸಿದೆ.
ಸುರಕ್ಷತೆಗೆ ಪ್ರಮುಖ ಸೂಚನೆಗಳು ;
ಐಎಸ್ ಐ ಪ್ರಮಾಣಿತ ಉತ್ಪನ್ನಗಳನ್ನು ಆಯ್ಕೆಮಾಡಿ:
ಗ್ರಾಹಕರು ಐಎಸ್ ಐ ಪ್ರಮಾಣಿತ ಇಂಡಕ್ಷನ್ ಸ್ಟವ್ಗಳನ್ನು ಮಾತ್ರ ಖರೀದಿಸಬೇಕು. ಜೊತೆಗೆ 3-ಸ್ಟಾರ್ ಅಥವಾ ಅದಕ್ಕಿಂತ ಹೆಚ್ಚಿನ ಎನರ್ಜಿ ರೇಟಿಂಗ್ ಇರುವ ಸಾಧನಗಳನ್ನು ಬಳಸುವುದು ವಿದ್ಯುತ್ ಬಳಕೆಯನ್ನು ನಿಯಂತ್ರಿಸಲು ಸಹಾಯಕ.
ಸುರಕ್ಷತಾ ವೈಶಿಷ್ಟ್ಯಗಳು ಅಗತ್ಯ:
ಅಟೋಮ್ಯಾಟಿಕ್ ಶಟ್-ಆಫ್ ಸೆನ್ಸರ್ ಮತ್ತು ಚೈಲ್ಡ್ ಲಾಕ್ ಸೌಲಭ್ಯಗಳಿರುವ ಮಾದರಿಗಳನ್ನು ಬಳಸುವುದು ಉತ್ತಮ. ಇದರಿಂದ ಅಪಘಾತಗಳು ಮತ್ತು ಬೆಂಕಿ ಅವಘಡಗಳನ್ನು ತಪ್ಪಿಸಬಹುದು.
ಪ್ರತ್ಯೇಕ ಪವರ್ ಸೊಕೇಟ್ ಬಳಕೆ:
ಇಂಡಕ್ಷನ್ ಸ್ಟವ್ ಹೆಚ್ಚು ವಿದ್ಯುತ್ ಬಳಕೆಯಾಗುವುದರಿಂದ, 15 ಆಂಪಿಯರ್ ಅಥವಾ ಅದಕ್ಕಿಂತ ಹೆಚ್ಚಿನ ಸಾಮರ್ಥ್ಯದ ಪ್ರತ್ಯೇಕ ಸೊಕೇಟ್ ಬಳಸಬೇಕು. ಸಾಮಾನ್ಯ ಸೊಕೇಟ್ ಬಳಸಿದರೆ ಓವರ್ಹೀಟಿಂಗ್ ಮತ್ತು ಶಾರ್ಟ್ ಸರ್ಕ್ಯೂಟ್ ಅಪಾಯವಿದೆ.
ವೈಯರಿಂಗ್ ಮತ್ತು ಅರ್ಥಿಂಗ್ ಪರಿಶೀಲನೆ:
ಮನೆಯ ವೈಯರಿಂಗ್ ಸರಿಯಾಗಿರಬೇಕು. ತಪ್ಪಾದ ಅರ್ಥಿಂಗ್ ಅಥವಾ ಹಾಳಾದ ವೈಯರಿಂಗ್ ಇರುವ ಮನೆಗಳಲ್ಲಿ ಇಂಡಕ್ಷನ್ ಸ್ಟೋವ್ ಬಳಸಬಾರದು ಎಂದು ಬೆಸ್ಕಾಂ ಎಚ್ಚರಿಸಿದೆ.
3-ಪಿನ್ ಪ್ಲಗ್ ಕಡ್ಡಾಯ:
ಸರಿಯಾದ ಗ್ರೌಂಡಿಂಗ್ಗಾಗಿ 3-ಪಿನ್ ಪ್ಲಗ್ ಇರುವ ಸಾಧನಗಳನ್ನು ಮಾತ್ರ ಬಳಸಬೇಕು. ಇದರಿಂದ ವಿದ್ಯುತ್ ಶಾಕ್ ಅಪಾಯ ಕಡಿಮೆಯಾಗುತ್ತದೆ.
ಇಂಡಕ್ಷನ್ ಸ್ಟವ್ಗಳು ಎಲ್ ಪಿಜಿ ಉತ್ತಮ ಪರ್ಯಾಯವಾಗಿದ್ದರೂ, ಅವುಗಳನ್ನು ಸರಿಯಾಗಿ ಬಳಸದೇ ಇದ್ದರೆ ಅಪಾಯ ಸಂಭವಿಸಬಹುದು. ಆದ್ದರಿಂದ ಸುರಕ್ಷತಾ ಕ್ರಮಗಳನ್ನು ಕಟ್ಟುನಿಟ್ಟಾಗಿ ಪಾಲಿಸುವುದು ಅಗತ್ಯ. ಒಟ್ಟಿನಲ್ಲಿ, ಎಲ್ ಪಿಜಿ ಕೊರತೆಯ ನಡುವೆಯೂ ಇಂಡಕ್ಷನ್ ಸ್ಟವ್ ಬಳಕೆ ಹೆಚ್ಚುತ್ತಿರುವ ಸಂದರ್ಭದಲ್ಲಿ, ಬೆಸ್ಕಾಂ ನೀಡಿದ ಮಾರ್ಗಸೂಚಿಗಳು ಜನರ ಸುರಕ್ಷತೆಗೆ ಅತ್ಯಂತ ಮುಖ್ಯವಾಗಿವೆ. ಸರಿಯಾದ ಉಪಕರಣ ಮತ್ತು ಜಾಗೃತಿಯಿಂದ ಮಾತ್ರ ಸುರಕ್ಷಿತವಾಗಿ ವಿದ್ಯುತ್ ಅಡುಗೆಗೆ ತಿರುಗಬಹುದು.
Use of Induction Stove Amid LPG Shortage: Caution – ತುಳುಟೈಮ್ಸ್
ಇದನ್ನೂ ಓದಿ :ಬಂದಾರು-ಕುರಾಯ ಶ್ರೀ ಸದಾಶಿವ ದೇವರ ವಾರ್ಷಿಕ ಜಾತ್ರೋತ್ಸವ ಪ್ರಯುಕ್ತ ಗೊನೆ ಮುಹೂರ್ತ, ತೋರಣ ಮುಹೂರ್ತ, ಧ್ವಜಾರೋಹಣ
===
ವೀಡಿಯೋ ಸುದ್ದಿಗಳಿಗಾಗಿ ನಮ್ಮ ಯೂಟ್ಯೂಬ್ ಲಿಂಕ್ ಕ್ಲಿಕ್ ಮಾಡಿ :https://www.youtube.com/live/fyRbYgSgCAw?si=8lKHMpTrzMqZxf9p
