ಬೆಂಗಳೂರು: Tulu Times l ಕರ್ನಾಟಕ ಸರ್ಕಾರವು ರಾಜ್ಯದ ವಿವಿಧ ಕೇಂದ್ರ ಕಾರಾಗೃಹಗಳಲ್ಲಿ ಶಿಕ್ಷೆ ಅನುಭವಿಸುತ್ತಿರುವ 31 ಕೈದಿಗಳನ್ನು ಮುಂಗಡವಾಗಿ ಬಿಡುಗಡೆ ಮಾಡಲು ಆದೇಶ ನೀಡಿದೆ. ಕೈದಿಗಳ ಉತ್ತಮ ವರ್ತನೆ ಹಾಗೂ ಅರ್ಹತೆಯನ್ನು ಪರಿಗಣಿಸಿ ಈ ನಿರ್ಧಾರ ಕೈಗೊಳ್ಳಲಾಗಿದೆ ಎಂದು ಹೇಳಲಾಗಿದೆ.
ರಾಜ್ಯದ ಗೃಹ ಇಲಾಖೆ ಬುಧವಾರ (ಮಾರ್ಚ್ 11) ಹೊರಡಿಸಿದ ಆದೇಶದ ಪ್ರಕಾರ, ಲೈಫ್ ಕಾನ್ವಿಕ್ಟ್ ರಿವ್ಯೂ ಸಮಿತಿ ಶಿಫಾರಸ್ಸಿನ ಮೇರೆಗೆ ಈ ಕ್ರಮ ಕೈಗೊಳ್ಳಲಾಗಿದೆ. ಅಂತಿಮವಾಗಿ ರಾಜ್ಯಪಾಲರು ಭಾರತ ಸಂವಿಧಾನದ ವಿಧಿ 161 ಪ್ರಕಾರ ಅನುಮೋದನೆ ನೀಡಿದ್ದಾರೆ.
54 ಪ್ರಕರಣಗಳ ಪರಿಶೀಲನೆ ;
ಮಾಹಿತಿಯ ಪ್ರಕಾರ, ಲೈಫ್ ಕಾನ್ವಿಕ್ಟ್ ರಿವ್ಯೂ ಸಮಿತಿ ರಾಜ್ಯದ ವಿವಿಧ ಕೇಂದ್ರ ಕಾರಾಗೃಹಗಳಿಂದ ಬಂದಿದ್ದ ಒಟ್ಟು 54 ಪ್ರಕರಣಗಳನ್ನು ಪರಿಶೀಲಿಸಿತು. ಕೈದಿಗಳ ವರ್ತನೆ, ಅರ್ಹತೆ ಹಾಗೂ ಇತರ ನಿಗದಿತ ಮಾನದಂಡಗಳನ್ನು ಆಧರಿಸಿ 31 ಮಂದಿಯನ್ನು ಮುಂಗಡ ಬಿಡುಗಡೆಗೆ ಶಿಫಾರಸು ಮಾಡಲಾಗಿದೆ. ಈ ಸಮಿತಿಯ ಸಭೆ 2025ರ ನವೆಂಬರ್ 19ರಂದು ನಡೆದಿದ್ದು, ಸಭೆಗೆ ಗೃಹ ಇಲಾಖೆಯ ಹೆಚ್ಚುವರಿ ಮುಖ್ಯ ಕಾರ್ಯದರ್ಶಿ ಅಧ್ಯಕ್ಷತೆ ವಹಿಸಿದ್ದರು. ಕಾರಾಗೃಹ ಮತ್ತು ಸುಧಾರಣಾ ಸೇವೆಗಳ ನಿರ್ದೇಶನಾಲಯ ಕಡೆಯಿಂದ ಬಂದ ಪ್ರಸ್ತಾವನೆಗಳನ್ನು ಸಮಿತಿ ಪರಿಶೀಲಿಸಿತು.
ಸರ್ಕಾರದ ಪ್ರಕಾರ, ಜೀವಾವಧಿ ಕೈದಿಗಳ ಮುಂಗಡ ಬಿಡುಗಡೆಗೆ ಸಂಬಂಧಿಸಿದ ಮಾರ್ಗಸೂಚಿ ಹಾಗೂ ಸರ್ಕಾರದ ಆದೇಶಗಳನ್ನು ಅನುಸರಿಸಿ ಈ ಕ್ಷಮಾದಾನ ನೀಡಲಾಗಿದ್ದು, ಉತ್ತಮ ವರ್ತನೆ ತೋರಿದ ಕೈದಿಗಳಿಗೆ ಪುನರ್ವಸತಿ ಅವಕಾಶ ಕಲ್ಪಿಸುವುದು ಇದರ ಪ್ರಮುಖ ಉದ್ದೇಶವಾಗಿದೆ.
Early release order for 31 prisoners in Karnataka – ತುಳುಟೈಮ್ಸ್
ಇದನ್ನೂ ಓದಿ : ಪುತ್ತೂರು ಸರಣಿ ಅಪಘಾತ : ಏಳು ವಾಹನಗಳಿಗೆ ಡಿಕ್ಕಿ ಹೊಡೆದ ಕಾರು ಪರಾರಿ
====
ವೀಡಿಯೋ ಸುದ್ದಿಗಳಿಗಾಗಿ ನಮ್ಮ ಯೂಟ್ಯೂಬ್ ಲಿಂಕ್ ಕ್ಲಿಕ್ ಮಾಡಿ :https://www.youtube.com/live/-PlvbIZDxfU?si=QCvhnHMi8RJhUxgn
