ನವದೆಹಲಿ: Tulu Times l ಐಸಿಸಿ ಟಿ20 ವಿಶ್ವಕಪ್ 2026 ಭಾರತದಲ್ಲಿ ವೀಕ್ಷಣೆ ಪ್ರಮಾಣದ ಎಲ್ಲಾ ಹಿಂದಿನ ದಾಖಲೆಗಳನ್ನು ಮುರಿದಿದೆ. 500 ಮಿಲಿಯನ್ (50 ಕೋಟಿ) ಕ್ಕೂ ಹೆಚ್ಚು ಅಭಿಮಾನಿಗಳು ಟೂರ್ನಿಯ ಪಂದ್ಯಗಳನ್ನು ವೀಕ್ಷಿಸಿದ್ದು, ಟಿ20 ವಿಶ್ವಕಪ್ ಇತಿಹಾಸದಲ್ಲೇ ಇದೊಂದು ಅತಿ ದೊಡ್ಡ ವೀಕ್ಷಕ ಸಂಖ್ಯೆಯಾಗಿದೆ.
ಈ ಸಾಧನೆ ಕುರಿತು ಅಂತರಾಷ್ಟ್ರೀಯ ಕ್ರಿಕೆಟ್ ಕೌನ್ಸಿಲ್ ಅಧ್ಯಕ್ಷ Jay Shah ಹೆಮ್ಮೆ ವ್ಯಕ್ತಪಡಿಸಿದ್ದಾರೆ. ಸಾಮಾಜಿಕ ಜಾಲತಾಣ ‘X’ ನಲ್ಲಿ ಪೋಸ್ಟ್ ಮಾಡಿದ ಅವರು, “ಈ ಟೂರ್ನಿಯನ್ನು ಅತ್ಯಂತ ಜಾಗತಿಕ ಮತ್ತು ಎಲ್ಲರಿಗೂ ಸುಲಭವಾಗಿ ತಲುಪುವ ಕ್ರಿಕೆಟ್ ಉತ್ಸವವನ್ನಾಗಿಸುವ ಉದ್ದೇಶದಿಂದ ಆರಂಭಿಸಿದ್ದೆವು. ಭಾರತದಲ್ಲಿ ವೀಕ್ಷಣೆ 500 ಮಿಲಿಯನ್ ದಾಟಿರುವುದು ನಮಗೆ ಹೆಮ್ಮೆಯ ಸಂಗತಿ” ಎಂದು ತಿಳಿಸಿದ್ದಾರೆ.
ಡಿಜಿಟಲ್ ವೇದಿಕೆಯಲ್ಲಿ ಭರ್ಜರಿ ಪ್ರತಿಕ್ರಿಯೆ ;
ಡಿಜಿಟಲ್ ವೀಕ್ಷಣೆಯಲ್ಲೂ ವಿಶ್ವಕಪ್ ಭರ್ಜರಿ ಸಾಧನೆ ಮಾಡಿದೆ. ಜಿಯೋ ಹಾಟ್ ಸ್ಟಾರ್ ನಲ್ಲಿ ಒಂದೇ ಸಮಯದಲ್ಲಿ 60.5 ಮಿಲಿಯನ್ ವೀಕ್ಷಕರು ಲಾಗಿನ್ ಆಗಿರುವುದು ಆನ್ಲೈನ್ ತಾಣಗಳಲ್ಲಿ ಅಪೂರ್ವ ದಾಖಲೆ ಎನ್ನಲಾಗಿದೆ.
ಸೆಮಿಫೈನಲ್ ಪಂದ್ಯಗಳಿಗೆ ರಂಗ ಸಜ್ಜು ;
ಮೊದಲ ಸೆಮಿಫೈನಲ್ ಪಂದ್ಯ ಈಡೆನ್ ಗಾರ್ಡನ್ಸ್ ನಲ್ಲಿ ನಡೆಯಲಿದ್ದು, ನ್ಯೂಜಿಲ್ಯಾಂಡ್ ಕ್ರಿಕೆಟ್ ತಂಡದ ನಾಯಕ ಮಿಚೆಲ್ ಸ್ಯಾಂಟ್ನರ್ ಅವರ ತಂಡ ಅಜೇಯ ಸರಣಿಯಲ್ಲಿ ಇರುವ ಸೌತ್ ಆಫ್ರಿಕಾ ತಂಡದ ವಿರುದ್ಧ ಕಣಕ್ಕಿಳಿಯಲಿದೆ.
ಇನ್ನೊಂದೆಡೆ, ಎರಡನೇ ಸೆಮಿಫೈನಲ್ Wankhede Stadium ನಲ್ಲಿ ನಡೆಯಲಿದೆ. ಭಾರತ ತಂಡವು ಬಲಿಷ್ಠ ವೆಸ್ಟ್ ಇಂಡೀಸ್ ವಿರುದ್ಧ ಸೂಪರ್ 8 ಹಂತದಲ್ಲಿ ಭರ್ಜರಿ ಗೆಲುವು ಸಾಧಿಸಿ ಆತ್ಮವಿಶ್ವಾಸದಲ್ಲಿದೆ. ಎದುರಾಳಿ ಇಂಗ್ಲೆಂಡ್ ಹ್ಯಾರಿ ಬ್ರೂಕ್ ನೇತೃತ್ವದಲ್ಲಿ ಐದು ಪಂದ್ಯಗಳ ಜಯಶೀಲ ಸರಣಿಯೊಂದಿಗೆ ಸೆಮಿಫೈನಲ್ ಪ್ರವೇಶಿಸಿದೆ. ಭಾರತೀಯ ಅಭಿಮಾನಿಗಳ ಅಪಾರ ಬೆಂಬಲದಿಂದ ಟಿ20 ವಿಶ್ವಕಪ್ 2026 ಮತ್ತಷ್ಟು ಮೈಲುಗಲ್ಲು ಸಾಧಿಸಲಿದೆ ಎಂಬ ನಿರೀಕ್ಷೆ ಕ್ರಿಕೆಟ್ ವಲಯದಲ್ಲಿ ಮೂಡಿದೆ.
T20 World Cup 2026 crosses 500 million views: New record in India – ತುಳುಟೈಮ್ಸ್
ಇದನ್ನೂ ಓದಿ : ಬೇಸಿಗೆಯಲ್ಲಿ ಮಣ್ಣಿನ ಮಡಿಕೆ ನೀರು ಕುಡಿಯುವುದು ದೇಹಕ್ಕೆ ತಂಪು
=====
ವೀಡಿಯೋ ಸುದ್ದಿಗಳಿಗಾಗಿ ನಮ್ಮ ಯೂಟ್ಯೂಬ್ ಲಿಂಕ್ ಕ್ಲಿಕ್ ಮಾಡಿ :https://www.youtube.com/live/KpxF-TdEQqM?si=IN6rpaOInsUVj0uc
