ಅಪರೂಪದ ವಿವಾಹ: ಇಬ್ಬರು ಆಸ್ಟ್ರಿಯನ್ ಪುರುಷರನ್ನು ವಿವಾಹವಾದ ಥಾಯ್ಲ್ಯಾಂಡ್ ಮಹಿಳೆ

ವೈರಲ್ : Tulu Times l ಅಪರೂಪದ ಹಾಗೂ ಸಂಪ್ರದಾಯಬಾಹಿರ ವಿವಾಹ ಘಟನೆಯೊಂದು ಥಾಯ್ಲ್ಯಾಂಡ್‌ನಲ್ಲಿ ನಡೆದು ರಾಷ್ಟ್ರೀಯ ಮತ್ತು ಅಂತರಾಷ್ಟ್ರೀಯ ಮಟ್ಟದಲ್ಲಿ ಗಮನ ಸೆಳೆದಿದೆ. 37 ವರ್ಷದ ಮಹಿಳೆ, ಫೆಬ್ರವರಿ 28ರಂದು ಥಾಯ್ಲ್ಯಾಂಡ್‌ನ ಪ್ರಖೋನ್ ಚೈ ಜಿಲ್ಲೆಯಲ್ಲಿ ಇಬ್ಬರು ಆಸ್ಟ್ರಿಯನ್ ನಾಗರಿಕರಾದ ರೋಮನ್ ಮತ್ತು ಮ್ಯಾಕಿ ಅವರನ್ನು ಒಂದೇ ಸಮಾರಂಭದಲ್ಲಿ ವಿವಾಹವಾಗಿದ್ದಾರೆ.

ಐದು ವರ್ಷದ ಸಂಬಂಧದಿಂದ ಆರಂಭವಾದ ಜೀವನ ;

ರೋಮನ್ ಎಂಬಾತ ನಿವೃತ್ತ ಆಸ್ಟ್ರಿಯನ್ ಪೊಲೀಸ್ ಅಧಿಕಾರಿಯಾಗಿದ್ದು, ಕೆಲಸ ಮಾಡುತ್ತಿದ್ದ ವೇಳೆ ಡುವಾಂಗ್ಡುವಾನ್ ಅವರನ್ನು ಭೇಟಿಯಾಗಿದ್ದರು. ಇಬ್ಬರೂ ಐದು ವರ್ಷಗಳ ಕಾಲ ಜೊತೆಯಾಗಿ ಜೀವನ ನಡೆಸಿದರು. ನಂತರ ಮ್ಯಾಕಿ ಎಂಬ ಮತ್ತೊಬ್ಬ ಆಸ್ಟ್ರಿಯನ್ ಪೊಲೀಸ್ ಅಧಿಕಾರಿಯನ್ನು ಪರಿಚಯವಾಗಿದ್ದು, ಅವರೊಂದಿಗೆ ಸಹ ಸಂಬಂಧ ಬೆಳೆಯಿತು ಎನ್ನಲಾಗಿದೆ. ಈ ಮೂರು ಜನ ತಮ್ಮ ಸಂಬಂಧದ ಬಗ್ಗೆ ಮುಕ್ತವಾಗಿ ಚರ್ಚಿಸಿ, ಪರಸ್ಪರ ಒಪ್ಪಿಗೆಯೊಂದಿಗೆ ಒಂದೇ ಕುಟುಂಬವಾಗಿ ಬದುಕಲು ನಿರ್ಧರಿಸಿದರು.

ವಿವಾಹ ಸಮಾರಂಭ ಸರಳ ಹಾಗೂ ಸಂಪ್ರದಾಯಬದ್ಧವಾಗಿ ನಡೆದಿದ್ದು, ಆತ್ಮೀಯರು ಮತ್ತು ಬಂಧು-ಬಳಗ ಮಾತ್ರ ಭಾಗವಹಿಸಿದ್ದರು. ವಿಶೇಷವಾಗಿ, ಮಹಿಳೆಯ ಪೋಷಕರು ಹಾಗೂ ಮಕ್ಕಳೂ ಈ ಸಂಬಂಧಕ್ಕೆ ಬೆಂಬಲ ನೀಡಿದ್ದಾರೆ. “ನನ್ನ ಮಗಳು ಸಂತೋಷವಾಗಿದ್ದರೆ ಸಾಕು” ಎಂದು 61 ವರ್ಷದ ತಾಯಿ ಅಭಿಪ್ರಾಯಪಟ್ಟಿದ್ದಾರೆ. ಈ ವಿವಾಹ ಘಟನೆ ಸಂಪ್ರದಾಯಬಾಹಿರ ಸಂಬಂಧಗಳು, ಪರಸ್ಪರ ಒಪ್ಪಿಗೆ ಮತ್ತು ಕುಟುಂಬದ ಬೆಂಬಲದ ಬಗ್ಗೆ ವ್ಯಾಪಕ ಚರ್ಚೆಗೆ ಕಾರಣವಾಗಿದೆ.

Rare marriage: Thai woman marries two Austrian men – ತುಳುಟೈಮ್ಸ್

ಇದನ್ನೂ ಓದಿ : ಇರಾನ್–ಇಸ್ರೇಲ್ ಸಂಘರ್ಷದ ಪರಿಣಾಮ: ಬೆಂಗಳೂರಿನಲ್ಲಿ ಡ್ರೈ ಫ್ರೂಟ್ಸ್ ಬೆಲೆ ಏರಿಕೆ

====

ವೀಡಿಯೋ ಸುದ್ದಿಗಳಿಗಾಗಿ ನಮ್ಮ ಯೂಟ್ಯೂಬ್ ಲಿಂಕ್ ಕ್ಲಿಕ್  ಮಾಡಿ :https://www.youtube.com/live/KpxF-TdEQqM?si=IR233s41zh80Wxci