ಮುಂಬೈ : Tulu Times | ಗ್ರಾಹಕರ ದೂರುಗಳ ಪರಿಹಾರ ವ್ಯವಸ್ಥೆಯನ್ನು ಮತ್ತಷ್ಟು ಬಲಪಡಿಸುವ ಉದ್ದೇಶದಿಂದ ಬ್ಯಾಂಕ್ಗಳು ಮತ್ತು NBFCಗಳಲ್ಲಿ (ನಾನ್–ಬ್ಯಾಂಕಿಂಗ್ ಫೈನಾನ್ಸ್ ಕಂಪನಿಗಳು) ಆಂತರಿಕ ಒಂಬುಡ್ಸ್ಮನ್ಗಳ ನೇಮಕ ಹಾಗೂ ಕಾರ್ಯವಿಧಾನಕ್ಕೆ ಸಂಬಂಧಿಸಿದ ಮಾರ್ಗಸೂಚಿಗಳನ್ನು ಬುಧವಾರ ಭಾರತೀಯ ರಿಸರ್ವ್ ಬ್ಯಾಂಕ್ (RBI) ಹೊರಡಿಸಿದೆ. ಪ್ರತಿ ವರ್ಗಕ್ಕೂ ಸ್ಪಷ್ಟತೆ ನೀಡಲು ಪ್ರತ್ಯೇಕ ನಿರ್ದೇಶನಗಳನ್ನು RBI ಜಾರಿ ಮಾಡಿದೆ.
ಭಾರತೀಯ ರಿಸರ್ವ್ ಬ್ಯಾಂಕ್ ವಾಣಿಜ್ಯ ಬ್ಯಾಂಕ್ಗಳು, ಸ್ಮಾಲ್ ಫೈನಾನ್ಸ್ ಬ್ಯಾಂಕ್ಗಳು, ಪೇಮೆಂಟ್ಸ್ ಬ್ಯಾಂಕ್ಗಳು, NBFCಗಳು, ನಾನ್–ಬ್ಯಾಂಕ್ ಪ್ರಿಪೇಯ್ಡ್ ಪೇಮೆಂಟ್ ಇನ್ಸ್ಟ್ರುಮೆಂಟ್ (PPI) ಜಾರಿಗೊಳಿಸುವ ಸಂಸ್ಥೆಗಳು ಹಾಗೂ ಕ್ರೆಡಿಟ್ ಮಾಹಿತಿ ಕಂಪನಿಗಳಿಗೆ ಪ್ರತ್ಯೇಕ ನಿರ್ದೇಶನಗಳನ್ನು ನೀಡಿದೆ.
ಗ್ರಾಹಕರ ದೂರುಗಳಿಗೆ ವೇಗವಾಗಿ ಹಾಗೂ ಅರ್ಥಪೂರ್ಣ ಪರಿಹಾರ ;
ನಿಯಂತ್ರಿತ ಸಂಸ್ಥೆಗಳ (Regulated Entities – REs) ಒಳಗಿನ ದೂರು ಪರಿಹಾರ ವ್ಯವಸ್ಥೆಯನ್ನು ಬಲಪಡಿಸಿ, ಉನ್ನತ ಮಟ್ಟದ ಅಧಿಕಾರಿಯ ಪರಿಶೀಲನೆಯ ಮೂಲಕ ಗ್ರಾಹಕರ ದೂರುಗಳಿಗೆ ವೇಗವಾಗಿ ಹಾಗೂ ಅರ್ಥಪೂರ್ಣ ಪರಿಹಾರ ಒದಗಿಸುವ ಉದ್ದೇಶದಿಂದ ಈ ನಿರ್ದೇಶನಗಳನ್ನು ಹೊರಡಿಸಲಾಗಿದೆ ಎಂದು RBI ತಿಳಿಸಿದೆ.
ಆಂತರಿಕ ಒಂಬುಡ್ಸ್ಮನ್ (IO) ಅವರು ನಿವೃತ್ತ ಅಥವಾ ಸೇವೆಯಲ್ಲಿರುವ ಅಧಿಕಾರಿಯಾಗಿರಬೇಕು. ಅವರು ಸಂಬಂಧಿತ ಸಂಸ್ಥೆಯಲ್ಲಿ ಜನರಲ್ ಮ್ಯಾನೇಜರ್ ಹುದ್ದೆಗೆ ಸಮಾನ ಶ್ರೇಣಿಯವರಾಗಿರಬೇಕು ಹಾಗೂ ಬ್ಯಾಂಕಿಂಗ್, ನಾನ್–ಬ್ಯಾಂಕಿಂಗ್ ಹಣಕಾಸು, ನಿಯಂತ್ರಣ, ಮೇಲ್ವಿಚಾರಣೆ, ಪಾವತಿ ಮತ್ತು ಸೆಟ್ಲ್ಮೆಂಟ್ ವ್ಯವಸ್ಥೆಗಳು, ಕ್ರೆಡಿಟ್ ಮಾಹಿತಿ ಅಥವಾ ಗ್ರಾಹಕ ರಕ್ಷಣೆ ಮುಂತಾದ ಕ್ಷೇತ್ರಗಳಲ್ಲಿ ಕನಿಷ್ಠ 7 ವರ್ಷಗಳ ಅನುಭವ ಹೊಂದಿರಬೇಕು ಎನ್ನಲಾಗಿದೆ.
ಪ್ರತಿ ನಿಯಂತ್ರಿತ ಸಂಸ್ಥೆಯೂ ಕನಿಷ್ಠ ಒಬ್ಬ ಆಂತರಿಕ ಒಂಬುಡ್ಸ್ಮನ್ರನ್ನು ನೇಮಿಸಬೇಕು ಎಂದು RBI ಸೂಚಿಸಿದೆ. ಆಂತರಿಕ ಒಂಬುಡ್ಸ್ಮನ್ ಕಚೇರಿ ಸಾರ್ವಜನಿಕರಿಂದ ಅಥವಾ ದೂರುದಾರರಿಂದ ನೇರವಾಗಿ ಬಂದ ದೂರುಗಳನ್ನು ಸ್ವೀಕರಿಸುವುದಿಲ್ಲ. ಸಂಸ್ಥೆಯೊಳಗೆ ಈಗಾಗಲೇ ಪರಿಶೀಲನೆಯಾದರೂ ಭಾಗಶಃ ಪರಿಹಾರಗೊಂಡ ಅಥವಾ ಸಂಪೂರ್ಣವಾಗಿ ತಿರಸ್ಕೃತಗೊಂಡ ದೂರುಗಳನ್ನು ಮಾತ್ರ ಇದು ಪರಿಶೀಲಿಸಬೇಕು ಎಂದು RBI ಹೇಳಿದೆ. “ಗ್ರಾಹಕ ಸೇವೆ ಹಾಗೂ ಗ್ರಾಹಕರ ದೂರು ಪರಿಹಾರಕ್ಕೆ ಸಂಬಂಧಿಸಿದ ಕ್ಷೇತ್ರಗಳು ಮತ್ತು ಈ ನಿರ್ದೇಶನಗಳ ಅನುಷ್ಠಾನವು RBIಯ ಮೇಲ್ವಿಚಾರಣಾ ಇಲಾಖೆ (Department of Supervision) ನಡೆಸುವ ಪರಿಶೀಲನೆಯ ಭಾಗವಾಗಿರಲಿದೆ” ಎಂದು ಕೇಂದ್ರ ಬ್ಯಾಂಕ್ ಸ್ಪಷ್ಟಪಡಿಸಿದೆ.
RBI issues new directive: Fast and meaningful resolution of customer complaints – ತುಳು ಟೈಮ್ಸ್
ಇದನ್ನೂ ಓದಿ :ನಿಮ್ಮ ದೇಹದ MRI ಸ್ಕ್ಯಾನ್ ಮಾಡಿಸಿಕೊಳ್ಳಬೇಕೇ? ಹಾಗಾದ್ರೆ ವೈದ್ಯರ ಎಚ್ಚರಿಕೆಗಳ ಬಗ್ಗೆ ಗಮನಿಸಿ
====
ವೀಡಿಯೋ ಸುದ್ದಿಗಳಿಗಾಗಿ ನಮ್ಮ ಯೂಟ್ಯೂಬ್ ಲಿಂಕ್ ಕ್ಲಿಕ್ ಮಾಡಿ :https://youtu.be/SDL5CAMpIQ0?si=fguigrJHVFpltfcq
