ಎನ್ ಸಿ ಬಿ : Tulu Times | ಭಾರತದಿಂದ ಸೌದಿ ಅರೇಬಿಯಾಗೆ ಪ್ರಯಾಣಿಸುವ ಭಾರತೀಯ ನಾಗರಿಕರು ತಮ್ಮ ವೈಯಕ್ತಿಕ ಬಳಕೆಯ ಔಷಧಿಗಳನ್ನು ಕೊಂಡೊಯ್ಯಲು ಮುಂಚಿತವಾಗಿ ಆನ್ಲೈನ್ ಅನುಮತಿ ಪಡೆಯಬೇಕು ಎಂದು ನಾರ್ಕೋಟಿಕ್ಸ್ ಕಂಟ್ರೋಲ್ ಬ್ಯೂರೋ ಎಚ್ಚರಿಕೆ ನೀಡಿದೆ. ಸೌದಿ ಅರೇಬಿಯಾ ಸರ್ಕಾರವು ಕಡ್ಡಾಯ ಎಲೆಕ್ಟ್ರಾನಿಕ್ ಸೇವಾ ವೇದಿಕೆಯನ್ನು ಜಾರಿಗೆ ತಂದಿರುವ ಹಿನ್ನೆಲೆಯಲ್ಲಿ ಈ ಸಲಹೆ ನೀಡಲಾಗಿದೆ ಎನ್ನಲಾಗಿದೆ.
ಸೌದಿ ಅರೇಬಿಯಾದಲ್ಲಿನ ಭಾರತದ ಜನರಲ್ ಡೈರೆಕ್ಟರೇಟ್ ಆಫ್ ನಾರ್ಕೋಟಿಕ್ಸ್ ಕಂಟ್ರೋಲ್, ಸೌದಿ ಫುಡ್ ಅಂಡ್ ಡ್ರಗ್ ಅಥಾರಿಟಿ ಪ್ರಾರಂಭಿಸಿರುವ ಆನ್ಲೈನ್ ಪೋರ್ಟಲ್ ಕುರಿತು ಭಾರತ ಸರ್ಕಾರದ ಎನ್ಸಿಬಿಗೆ ಅಧಿಕೃತ ಮಾಹಿತಿ ನೀಡಿದೆ. ಈ ಪೋರ್ಟಲ್ನ್ನು https://cds.sfda.gov.sa ನಲ್ಲಿ ಪ್ರವೇಶಿಸಬಹುದು. ಈ ವೇದಿಕೆಯ ಮೂಲಕ ಪ್ರಯಾಣಿಕರು ಅಥವಾ ಅವರ ಅಧಿಕೃತ ಪ್ರತಿನಿಧಿಗಳು ವೈದ್ಯರ ಪರ್ಸ್ಕ್ರಿಪ್ಷನ್, ವೈದ್ಯಕೀಯ ವರದಿಗಳು ಮತ್ತು ಅರ್ಜಿಗಳನ್ನು ಸಲ್ಲಿಸಿ, ವೈಯಕ್ತಿಕ ಬಳಕೆಗೆ ಔಷಧಿಗಳನ್ನು ಕೊಂಡೊಯ್ಯಲು ಅನುಮತಿ ಪಡೆಯಬೇಕಾಗುತ್ತದೆ.
ನಿಯಮ ಉಲ್ಲಂಘನೆಗೆ ಕಠಿಣ ಕ್ರಮ ;
ಸೌದಿ ಅಧಿಕಾರಿಗಳು ಹೊರಡಿಸಿರುವ ನಿಷೇಧಿತ ಮತ್ತು ನಿಯಂತ್ರಿತ ಔಷಧಿಗಳ ಪಟ್ಟಿಯನ್ನು ಪ್ರಯಾಣಕ್ಕೂ ಮುನ್ನ ಪರಿಶೀಲಿಸಬೇಕು ಎಂದು ಎನ್ಸಿಬಿ ತಿಳಿಸಿದೆ. ಮುಂಚಿತ ಆನ್ಲೈನ್ ಅನುಮತಿ ಇಲ್ಲದೆ ಅಥವಾ ನಿಗದಿತ ಪ್ರಮಾಣಕ್ಕಿಂತ ಹೆಚ್ಚು ಔಷಧಿಗಳನ್ನು ಕೊಂಡೊಯ್ದರೆ, ಔಷಧಿಗಳ ವಶಪಡಿಸಿಕೆ, ಕಾನೂನು ಕ್ರಮ ಮತ್ತು ಪ್ರಕರಣ ದಾಖಲಿಸುವುದು ಹೆಚ್ಚುವರಿ ಪರಿಣಾಮಗಳನ್ನು ಎದುರಿಸಬೇಕಾಗಬಹುದು ಎಂದು ಎನ್ಸಿಬಿ ಎಚ್ಚರಿಸಿದೆ. ಕೆಲಸ, ಪ್ರವಾಸ ಅಥವಾ ಹಜ್–ಉಮ್ರಾ ಯಾತ್ರೆಗಾಗಿ ಸೌದಿ ಅರೇಬಿಯಾಗೆ ತೆರಳುವ ಸಾವಿರಾರು ಭಾರತೀಯರಿಗೆ ಈ ಸೂಚನೆ ಅತ್ಯಂತ ಮಹತ್ವದ್ದಾಗಿದೆ. ಭಾರತದಲ್ಲಿ ಕಾನೂನಾತ್ಮಕವಾಗಿ ಲಭ್ಯವಿರುವ ಹಲವು ಔಷಧಿಗಳು ಸೌದಿ ಅರೇಬಿಯಾದಲ್ಲಿ ಕಠಿಣವಾಗಿ ನಿಯಂತ್ರಿತ ಅಥವಾ ಸಂಪೂರ್ಣ ನಿಷೇಧಿತವಾಗಿವೆ ಎಂದು ಎನ್ಸಿಬಿ ತಿಳಿಸಿದೆ. ಆದ್ದರಿಂದ ಪ್ರಯಾಣಿಕರು ತಮ್ಮ ಔಷಧಿಗಳಿಗೆ ಅನುಮತಿ ಅಗತ್ಯವಿದೆಯೇ ಎಂಬುದನ್ನು ಪರಿಶೀಲಿಸಿ, ಅಗತ್ಯವಿದ್ದರೆ ಅನುಮೋದನೆ ಪಡೆಯಬೇಕು ಎಂದು ಮನವಿ ಮಾಡಿದೆ.
Online permission mandatory for Indians travelling to Saudi Arabia to carry personal medicines – ತುಳು ಟೈಮ್ಸ್
ಇದನ್ನೂ ಓದಿ :‘ದುಬಾರೆ’ ಪರಿಸರ ಸಂರಕ್ಷಣೆಯ ಮಹತ್ವವನ್ನು ಸಾರುವ ಕೇಂದ್ರ : ತೂಗು ಸೇತುವೆ ನಿರ್ಮಾಣಕ್ಕೆ ಪ್ಲಾನ್
=======
ವೀಡಿಯೋ ಸುದ್ದಿಗಳಿಗಾಗಿ ನಮ್ಮ ಯೂಟ್ಯೂಬ್ ಲಿಂಕ್ ಕ್ಲಿಕ್ ಮಾಡಿ :https://youtu.be/emwzylibjoc?si=Sca-qvxtKSUITymq
