ಡಿಜಿಟಲ್ ಟಿಕೆಟ್ : Tulu Times | ಅದೊಂದು ಕಾಲದಲ್ಲಿ ರೈಲು ಟಿಕೆಟ್ ಪಡೆಯಲು ನಿಲ್ದಾಣಗಳಲ್ಲಿ ಉದ್ದವಾದ ಸಾಲಿನ ಹಿಂದೆ ಗಂಟೆಗಟ್ಟಲೆ ಕಾಯಬೇಕಿತ್ತು. ಅಲ್ಲಿ ಸಮಯ ವ್ಯರ್ಥವಾಗುವುದರ ಜೊತೆಗೆ ಮಧ್ಯವರ್ತಿಗಳ ಅವಲಂಬನೆಯೂ ಹೆಚ್ಚಿತ್ತು. ಆದರೆ ಇದೀಗ ಆಧುನಿಕ ಯುಗ. ಡಿಜಿಟಲ್ ಟಿಕೆಟ್ ಬುಕ್ಕಿಂಗ್ ಆರಂಭವಾದ ನಂತರ ಪ್ರಯಾಣಿಕರ ಅನುಭವ ಸಂಪೂರ್ಣವಾಗಿ ಬದಲಾಗಿದೆ.
ಡಿಜಿಟಲ್ ಟಿಕೆಟ್ ವ್ಯವಸ್ಥೆಯನ್ನು ಉತ್ತೇಜಿಸುವ ಉದ್ದೇಶ ;
ಭಾರತೀಯ ರೈಲ್ವೆ ದೇಶದ ಸಾರಿಗೆ ವ್ಯವಸ್ಥೆಯ ಪ್ರಮುಖ ಕಂಬವಾಗಿದ್ದು, ಪ್ರತಿದಿನ ಅದೆಷ್ಟೋ ಸಾವಿರ, ಕೋಟಿ ಪ್ರಯಾಣಿಕರು ರೈಲು ಸೇವೆಯನ್ನು ಬಳಸುತ್ತಾರೆ. ಈ ಭಾರಿ ಪ್ರಯಾಣಿಕರ ಸಂಖ್ಯೆಯನ್ನು ಪರಿಣಾಮಕಾರಿಯಾಗಿ ನಿರ್ವಹಿಸುವ ಉದ್ದೇಶದಿಂದ ಭಾರತೀಯ ರೈಲ್ವೆ ಡಿಜಿಟಲ್ ತಂತ್ರಜ್ಞಾನವನ್ನು ಅಳವಡಿಸಿಕೊಂಡಿದ್ದು, ಅದರ ಪ್ರಮುಖ ಭಾಗವೇ ಡಿಜಿಟಲ್ ಟಿಕೆಟ್ ಬುಕ್ಕಿಂಗ್ ವ್ಯವಸ್ಥೆ. ಇದೀಗ ಡಿಜಿಟಲ್ ಟಿಕೆಟ್ ವ್ಯವಸ್ಥೆಯನ್ನು ಉತ್ತೇಜಿಸುವ ಉದ್ದೇಶದಿಂದ ಭಾರತೀಯ ರೈಲ್ವೆ ತನ್ನ ಅಧಿಕೃತ ಮೊಬೈಲ್ ಅಪ್ಲಿಕೇಶನ್ ‘ರೈಲ್ವನ್ ’ ಮೂಲಕ ಬುಕ್ ಮಾಡುವ ಜನರಲ್ ಟಿಕೆಟ್ಗಳಿಗೆ ಶೇಕಡಾ 3 ರಷ್ಟು ಪಾವತಿ ರಿಯಾಯಿತಿ ಘೋಷಿಸಿದೆ. ಈ ರಿಯಾಯಿತಿ ಯೋಜನೆ ಜನವರಿ 14ರಿಂದ ಜುಲೈ 14ರವರೆಗೆ, ಆರು ತಿಂಗಳ ಅವಧಿಗೆ ಜಾರಿಗೆ ಇರಲಿದೆ ಎಂದು ರೈಲ್ವೆ ಅಧಿಕಾರಿಗಳು ತಿಳಿಸಿದ್ದಾರೆ.
ಕಡಿಮೆ ದೂರದ ಪ್ರಯಾಣಿಕರಿಗೆ ಈ ರಿಯಾಯಿತಿ ಹೆಚ್ಚಿನ ಪ್ರಯೋಜನ ;
ದಕ್ಷಿಣ ಪಶ್ಚಿಮ ರೈಲ್ವೆ ಪ್ರಕಟಣೆಯಂತೆ, ರೈಲ್ವನ್ ಅಪ್ಲಿಕೇಶನ್ ಬಳಕೆದಾರರ ವಿನ್ಯಾಸ ಮತ್ತು ಹೆಚ್ಚಿದ ಭದ್ರತೆಯನ್ನು ಗಮನದಲ್ಲಿಟ್ಟುಕೊಂಡು ಅಭಿವೃದ್ಧಿಪಡಿಸಲಾಗಿದೆ. ಇದರಲ್ಲಿ ಎಂ-ಪಿನ್ ಹಾಗೂ ಬಯೋಮೆಟ್ರಿಕ್ ಆಧಾರಿತ ಸುರಕ್ಷಿತ ಲಾಗಿನ್ ಆಯ್ಕೆಗಳು ಇರುವುದರಿಂದ ಬಳಕೆದಾರರಿಗೆ ಹೆಚ್ಚು ಭದ್ರತೆ ಒದಗುತ್ತದೆ. ಇದು ಪ್ರಯಾಣಿಕರನ್ನು ಡಿಜಿಟಲ್ ವೇದಿಕೆಗಳತ್ತ ಆಕರ್ಷಿಸುವುದರ ಜೊತೆಗೆ, ಅನಿರ್ದಿಷ್ಟ ಟಿಕೆಟ್ಗಳನ್ನು ಆನ್ಲೈನ್ ಮೂಲಕ ಬುಕ್ ಮಾಡುವವರಿಗೆ ನೇರ ಹಣಕಾಸು ಲಾಭ ದೊರಕಲಿದೆ ಎಂದು ರೈಲ್ವೆ ಅಧಿಕಾರಿಗಳು ಹೇಳಿದ್ದಾರೆ. ವಿಶೇಷವಾಗಿ, ದೈನಂದಿನ ಪ್ರಯಾಣಿಕರು ಮತ್ತು ಕಡಿಮೆ ದೂರದ ಪ್ರಯಾಣಿಕರಿಗೆ ಈ ರಿಯಾಯಿತಿ ಹೆಚ್ಚಿನ ಪ್ರಯೋಜನ ನೀಡಲಿದೆ ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ. ಕಾಲಾವಧಿಗೆ ಸೀಮಿತವಾದ ಈ ರಿಯಾಯಿತಿ ಹಾಗೂ ಸಮಗ್ರ ಪ್ರಯಾಣಿಕ ಸೇವೆಗಳ ಮೂಲಕ, ಭಾರತೀಯ ರೈಲ್ವೆ ಡಿಜಿಟಲ್ ಟಿಕೆಟ್ ವ್ಯವಸ್ಥೆಯನ್ನು ಇನ್ನಷ್ಟು ಆಕರ್ಷಕ, ಸುಲಭ ಮತ್ತು ಸುರಕ್ಷಿತವಾಗಿಸಲು ಉದ್ದೇಶಿಸಿದೆ ಎಂದು ತಿಳಿಸಿದೆ.
ಭಾರತೀಯ ರೈಲ್ವೆ ಮುಂದಿನ ದಿನಗಳಲ್ಲಿ ಕೃತಕ ಬುದ್ಧಿಮತ್ತೆ (AI), ಚಾಟ್ಬಾಟ್ ಸೇವೆಗಳು ಹಾಗೂ ಇನ್ನಷ್ಟು ಸುಧಾರಿತ ಮೊಬೈಲ್ ಅಪ್ಲಿಕೇಶನ್ ವೈಶಿಷ್ಟ್ಯಗಳನ್ನು ಪರಿಚಯಿಸುವ ಯೋಜನೆಯನ್ನು ಹೊಂದಿದೆ. ಇದರಿಂದ ಟಿಕೆಟ್ ಬುಕ್ಕಿಂಗ್ ಇನ್ನಷ್ಟು ಸುಲಭ, ವೇಗ ಮತ್ತು ಸುರಕ್ಷಿತವಾಗಲಿರುವುದು ಖಚಿತವಾಗಿದೆ. Digital touch for train tickets: Discount on Rail One – ತುಳು ಟೈಮ್ಸ್
ಇದನ್ನೂ ಓದಿ : ಬೆಳ್ತಂಗಡಿ: 36 ವರ್ಷಗಳಿಂದ ಎಸ್ಕೇಪ್ ಆಗಿದ್ದ ಖದೀಮ ಅರೆಸ್ಟ್ !
=====
ವೀಡಿಯೋ ಸುದ್ದಿಗಳಿಗಾಗಿ ನಮ್ಮ ಯೂಟ್ಯೂಬ್ ಲಿಂಕ್ ಕ್ಲಿಕ್ ಮಾಡಿ :https://youtu.be/emwzylibjoc?si=Sca-qvxtKSUITymq
