ದಿತ್ವಾ ಚಂಡಮಾರುತದಿಂದ ರಾಗಿ ಬೆಳೆಗೆ ಹೊಡೆತ : ಇಳುವರಿ ಕುಸಿತ

ದಿತ್ವಾ ಚಂಡಮಾರುತ : Tulu Times | ದಿತ್ವಾ ಚಂಡಮಾರುತದಿಂದ ರಾಗಿ ಬೆಳೆಯು ಹಾನಿಗೊಳಗಾಗಿದೆ. ರಾಗಿ ಬೆಳೆಯಲ್ಲಿ ಮೊಳಕೆಯೊಡೆಯುತ್ತಿದ್ದು ರೈತರು ಕಂಗಾಲಾಗಿದ್ದಾರೆ. ಒಂದು ವಾರ ಬಿಸಿಲು ಇದ್ದಿದ್ದರೆ ರಾಗಿ ಬೆಳೆ ಕಟಾವು ಮಾಡಲು ಸಿದ್ಧಗೊಳ್ಳುತ್ತಿತ್ತು. ಅಷ್ಟರಲ್ಲಾಗಲೇ ದಿತ್ವಾ ಚಂಡಮಾರುತದ ಹೊಡೆತದಿಂದ ರೈತರು ಕಂಗಾಲಾಗಿದ್ದಾರೆ.

ಚಂಡಮಾರುತದಿಂದಾಗಿ ಮಳೆ ಹೆಚ್ಚಾಗಿದ್ದು, ವಾತಾವರಣದಲ್ಲಿ ತೇವಾಂಶ ಹೆಚ್ಚಾಗಿದ್ದು, ಮಳೆ ಮತ್ತು ತೇವಾಂಶದಿಂದಾಗಿ ರಾಗಿ ತೆನೆಗಳು ಹಾಳಾಗಿವೆ, ಇದು ರೈತರಿಗೆ ದೊಡ್ಡ ನಷ್ಟವನ್ನುಂಟುಮಾಡಿದೆ. ಈ ಚಂಡಮಾರುತವು ಟೊಮೆಟೊ, ಅವರೆ, ತೊಗರಿ ಮತ್ತು ದ್ರಾಕ್ಷಿ ಮುಂತಾದ ಇತರ ಬೆಳೆಗಳ ಮೇಲೂ ನಕಾರಾತ್ಮಕ ಪರಿಣಾಮ ಬೀರಿದೆ, ಹೂವುಗಳು ಉದುರಿಹೋಗಿವೆ ಮತ್ತು ಇಳುವರಿ ಕುಸಿತವಾಗಿದೆ. ದಕ್ಷಿಣ ಭಾರತದ ಆಹಾರ ಪದ್ಧತಿಯಲ್ಲಿ ರಾಗಿ ಆರೋಗ್ಯಕರ ಹಾಗೂ ಪೌಷ್ಟಿಕ ಆಹಾರವಾಗಿ ಪ್ರಸಿದ್ಧವಾಗಿದೆ. ಕರ್ನಾಟಕವನ್ನು ರಾಗಿ ಧಾನ್ಯದ ಮುಖ್ಯ ಉತ್ಪಾದನಾ ಕೇಂದ್ರ‌ ಎಂದೇ ಕರೆಯಬಹುದು. ರಾಗಿ ಬೆಳೆ ಕಡಿಮೆ ನೀರಿನಲ್ಲಿ ಬೆಳೆಯಾಗುವುದರಿಂದ, ಬರಗಾಲ ಪ್ರದೇಶಗಳ ರೈತರಿಗೆ ಇದು ಆಶಾಕಿರಣವಾಗಿದೆ.

ರಾಗಿ ಸಾಮಾನ್ಯವಾಗಿ 25°C–30°C ನಡುವಿನ ಉಷ್ಣಾಂಶದಲ್ಲಿ ಉತ್ತಮವಾಗಿ ಬೆಳೆಯುತ್ತದೆ. ಇದಕ್ಕೆ ಹೆಚ್ಚಿನ ಮಳೆಯ ಅವಶ್ಯಕತೆ ಇಲ್ಲ; ಸರಾಸರಿ ಮಳೆಯಲ್ಲಿಯೇ ಬೆಳೆಯುವ ಬೆಳೆಯಾಗಿದೆ. ಕೆಂಪುಮಣ್ಣು, ಮರಳುಮಿಶ್ರ ಮಣ್ಣು ಹಾಗೂ ಮಧ್ಯಮ ಗಟ್ಟಿತನದ ಮಣ್ಣುಗಳು ರಾಗಿ ಕೃಷಿಗೆ ಅತ್ಯಂತ ಸೂಕ್ತ. ರಾಗಿ ರಾಜ್ಯ ಮತ್ತು ರಾಷ್ಟ್ರೀಯ ಮಟ್ಟದಲ್ಲಿ ಕೃಷಿಕರಿಗೆ ಉತ್ತಮ ಆದಾಯ ತರುತ್ತಿರುವ ಧಾನ್ಯ. ಮಾರುಕಟ್ಟೆಯಲ್ಲಿ ರಾಗಿ ದರ ವರ್ಷದಿಂದ ವರ್ಷಕ್ಕೆ ಅಸ್ಥಿರವಾಗಿದ್ದರೂ, ಸರಕಾರದ ಕನಿಷ್ಠ ಬೆಂಬಲ ಬೆಲೆ ರೈತರಿಗೆ ಭದ್ರತೆ ನೀಡುತ್ತಿದೆ. ಸುಲಭ ಸಂಗ್ರಹಣೆ, ಕಡಿಮೆ ವೆಚ್ಚದಲ್ಲಿ ಹೆಚ್ಚಿನ ಲಾಭ, ಹಾಗೂ ಹವಾಮಾನ ತಾಳುವ ಶಕ್ತಿ ರಾಗಿ ಬೆಳೆ ಹೆಚ್ಚಿನ ರೈತರ ಆಯ್ಕೆಯನ್ನಾಗಿಸಿದೆ. ಆದರೆ ಈಗ ಈ ಚಂಡಮಾರುತದ ಎಡವಟ್ಟಿನಿಂದಾಗಿ ರಾಗಿ ಬೆಳೆಗಾರರ ಜೀವನ ಕಂಗೆಟ್ಟಿದೆ.

Cyclone Ditva hits millet crop: Yields fall – ತುಳು ಟೈಮ್ಸ್

ಇದನ್ನೂ ಓದಿ : ಬಿಗ್‌ ಬಾಸ್‌ ಮನೆಯಿಂದ ಹೊರಬಂದ ಜಾನ್ವಿ..! ಹೊರಬರಲು ಅಸಲಿ ಕಾರಣ ಏನು..?

====

ವೀಡಿಯೋ ಸುದ್ದಿಗಳಿಗಾಗಿ ನಮ್ಮ ಯೂಟ್ಯೂಬ್ ಲಿಂಕ್ ಕ್ಲಿಕ್ ಮಾಡಿ :https://youtu.be/9__hBRPRAJ0?si=uR-Fro929bU1qXNb